Lukas 15:1 - Alkitab Duri

¹ Den pissen naratu buda to passassung sola tonasangamo tau togaja' mpesa'dingngi Puang Isa.

Lukas 15:1 ပူးပေါင်းရင်းမြစ်များ

Matius 5:46

Sitonganna, ia ke mipakamoja'i to tompakamoja' kamu', te'da miampa'i to pahalami jao suruga, nasaba' moi passassung napugauk toda susi joo.

Lukas 13:30

Buda tau to tangdikasiri' la menjaji todikasiri' keanu'. Na buda tau to dikasiri' tee too la menjaji totangdikasiri' keanu'.”

Lukas 7:29

Sininna tobuda mpesa'dingngi kadan-Na Puang Isa, susi toomi to passassung, napada nnakui kumua tongan to Puang Allataala. Iamo joo napangpejioran kalena lako Nabi Yahya.

Roma 5:20

Ia to atoranna Nabi Musa nabenni Puang Allataala, dikua namanassa kumua madosa to tolino. Sanapengkulleinna tolino nturu'i to atoran, sabuda-budanna to dosa napugauk. Apa moi sabuda-budanna dosana to tolino, samelo-melona penawan-Na Puang Allataala lako tolino.

1 Timotius 1:15

Tongan na sipato' ditarima tee kada to kumua, “Mentolino to Puang Isa Almaseh la mpasalama' tomadosa”, na aku'mo to kaminang madosanna.