Lukas 14:27 - Alkitab Duri

²⁷ Ia to tocia' mpassan kaju sitambenna nturu'na', te'da nakullei menjaji tonturu'na'.

Lukas 14:27 ပူးပေါင်းရင်းမြစ်များ

Matius 10:38

Na ia to tocia' mpassan kaju sitambenna na nturu'na', tangsipato' menjaji taung-Ku'.

Matius 13:21

Apa te'da natorro tongan lan penawanna na cingga'tu'ra natangnningaranmi. Ianna ratuimi kamasussan ba'tu kadipakario-rioan, sanga ia joo kada, ta'pa balik pole'mi.

Markus 10:21

Massemi penawan-Na Puang Isa ngkitai joo tau anna mangkada nakua, “Mesa'pa to parallu la mupugauk. Malemoko mbaluk ngasanni to ewananmu, ammubenni tokaasi-asi to allinna, mumane' nnampa' kasugiran jao suruga. Ianna mangkamo joo mupugauk, undimoko nturu'na'.”

Markus 15:21

Jio tangnga lalan sitammumi mesa' tau mangnguju lako kota Yerusalem, naparukui surudadu mpassan kaju sitamben-Na Puang Isa. Ia joo tau disanga Simon, to-Kirene, iamo ambe'na Aleksander sola Rufus.

Lukas 14:28

Susinna ia ke den tau madoang manggaraga bola batu matande, manassa la cumadokkoi jolo' mpikkiri'i to ongkoso'na anna issenni kumua ganna'raka to doi'na la mpamangkaii ba'tu tangganna'paraka.

Yahya 19:17

Na mpassan kaju sitamben-Na to Puang Isa, male lako buntu-buntu disanga ‘Ulu Tau’. (Lan basa Ibrani disanga Golgota.)

Jamanna Rasulu' 14:22

Napamawatang ngasan penawanna to tomatappa' lan simesa'-mesa' kota, dikua anna tatta' to kamatapparanna. Nakuanni, “La buda kamaparrisan diolai, tamane' mentama Lino Barun-Na Puang Allataala.”

2 Timotius 1:12

Iamo joo angkumaparri' susi tee lan pangtarungkuan. Apa te'da kukasirisanni, nasaba' kukanassai inda to kukatappa'i. Na kuissen kumua apa to napabarakkanna', makuasa too njagai sanggenna Kiama' lino.

2 Timotius 3:12

Manassa kumua sininna tau to madoang ssompa na nturu' Puang Isa Almaseh la dipakario-rio,