Lukas 14:23 - Alkitab Duri

²³ Nakuamo joo puang lako kaunanna, ‘Maleko llingkai bata' sola lalan salean kota, mparukui to tau naratu, naponno to bolaku'.

Lukas 14:23 ပူးပေါင်းရင်းမြစ်များ

Matius 21:43

Nakuamo Puang Isa lako tuu lako kapala imang sola pekaamberan to-Yahudi, “La miingaran! Te'da milampumanahhi to manahna umma'-Na Puang Allataala. La dialai kamu' nadiben lako bangsa to madoang nturu' parenta-Na Puang Allataala. [

Matius 5:41

Ianna den puanggawa mparuku kamu' mpanglembanni mesa' kilo belana, panglembaran pissenni dua kilo.

Lukas 14:22

Mangkai joo too nakuamo joo kaunan, ‘Oo puang, kipugauk ngasanmo to tasuankan, apa budapa ngenan lo'bang.’

Lukas 14:24

La miingaran! Moi mesa' te'da to ditambai jolomo, la kumande lan pangmaroasanku'!’ ”

Lukas 24:29

apa naattianni. Nakuanni, “Tatorromo mangbongi, sanga la bongimi na la malillinmi.” Mentamami bola la sipangbongian.

Jamanna Rasulu' 16:15

anna dijio' ngasan sintong repokkona. Ia tonna mangkamo dijio', napeta'dakan nakua, “Ee, kupusile'to, ia ammisangai kumua matappa' tonganmo' lako Puang Isa, mileppangpa dikka' mangbongi jio bolaku'.” Mengkamase-mase tonganni angkitorro mangbongi.

Jamanna Rasulu' 18:6

Apa tuli naewali tau, nacapa' tooi. Iamo joo naperrimbakanni to pakeanna mpangngingaranni to kasalanna tuu lako tau. Nakua mangkada, “Ia ammiden masolang undinna, tangngiamo salaku'! Lesso' suru'mo' aku'! Mammula tee too la male lakomo' bangsa tangngia to-Yahudi.”

Jamanna Rasulu' 28:28

Katampakanna nakua Paulus, “Ee, kamu' to dipusile'to! Parallu miissen kumua ia to Kareba Kasalamatan jio mai Puang Allataala dipangpeissenan toomo lako bangsa tangngia to-Yahudi, na la natarimai ia!” [

Jamanna Rasulu' 9:15

Apa nakua Puang ngkuanni, “Male bangmoko! Nasaba' mangkamo kupilei la mpangjamanna', dikua napangpeissenanna' lako bangsa tangngia to-Yahudi, lako raja, na lako too to-Yahudi.

Roma 10:18

Apa mekutanana': Te'daparaka ia nasa'dingngi to-Israel joo kareba? Tantu nasa'dingmo, nasaba' den diuki' lan Sura' Allataala kumua, “Nasa'dingmo sininna tolino to gamaranna. Ia to karebanna ratumi lako randan langi'.”

2 Korintus 5:11

Kiissen apara battuananna to ngkasiri' Puang. Iamo joo kipengkulle-kulleii anna issenni tau kumua ia tee kami' wa'ding dikatappa'i. Naissen tongankan Puang Allataala. Na kurannuan tooi kumua miissenkan.

2 Korintus 5:20

Jaji, topesuannakan Almaseh. Nasuakan Puang Allataala mparatuan kamu' pepasan-Na. Nasuakan Almaseh meta'da lako kalemi, “Pemaringngannii penawammi, ammisikalino pole' Puang Allataala.”

2 Korintus 6:1

Ia tee kami', mpangjamankan Puang Allataala. Iamo joo kimeta'da tongan-tongan lako kalemi, nadanggi' mitangmpuinawai to barakka' kasalamatan mangka mitarima anna membua melo.

Kolose 1:23

Apa la tatta' kamu' matappa', danggi' nasitawa-tawa to penawammi. La mirannuan tarruhhi to Puang Allataala kumua la napugaukki to apa nabassean kamu' lan Kareba Kasalamatan to mangka misa'ding. Ia joo Kareba dipangpeissenanmo lako issinna lino. Na ia tee aku' Paulus menjajimo' tompangpeissenanni.

Kolose 1:28

Karebannamora Almaseh to kipangpeissenan lako sininna tau. Kipake sininna kapaissenanki' mpakainga' sola nnajahhii, dikua anna mesa'-mesa' tau wa'ding kipangngolo lako Puang Allataala susi to tomasaranian, sanga memmesa'mi sola Almaseh.

2 Timotius 4:2

ammupangpeissenanni to Kareba Kasalamatan lako tau, madoangrika ba'tu cia'rika, na la mupakainga' na mupapahangngi tooi to kasalanna. Apa la mupaendek tooi sumanga'na na musabbara' nnajahhii.