Lukas 13:28 - Alkitab Duri

²⁸ Ia ke mikitami Nabi Ibrahim, Ishak na Yakub sola sininna nabi laen mangmaroah-roah lan Lino Barun-Na Puang Allataala, la kumarrak kamu', misunggarigi', nasaba' diula'i kamu'!

Lukas 13:28 ပူးပေါင်းရင်းမြစ်များ

Matius 13:42

La dipatama api naraka manglaka-laka nanii tau sikarrakan na sunggarigi'.

Matius 13:50

Ia to totangmenturu' lako Puang Allataala la dipatama api naraka manglaka-laka nanii tau sikarrakan sola sunggarigi'.”

Matius 22:13

Nakuamo joo raja lako to kaunanna, ‘Pumpungngi to limanna sola ajena tee tau mica'beanni lako ngenan kaminang malillin. Ntuu jio ngenan nanii tau sikarrakan sola sunggarigi'.’ ”

Matius 24:51

Napemoncongngimi puangna, napatamai ngenan tomajekkong, to nanii tau sikarrakan sola sunggarigi'.”

Matius 25:30

Ia joo kaunan tangmakkeguna, ca'beanni lako ngenan kaminang malillin. Ntuu jio nanii kumarrak sola sunggarigi'!’ ”

Lukas 10:15

Na kamu' to-Kapernaum! Misangaraka la dipamatande kamu' ratu de' langi'? Te'da! Apa la dipembuangan kamu' do' ngenan kaminang majiong!”

Lukas 14:15

Ia tonna sa'dingmi joo kadan-Na Puang Isa nakuamo sala mesa'na to tonasolan kumande jio kumua, “Masannang to tomangmaroah-roah lan Lino Barun-Na Puang Allataala.”

Lukas 16:23

Ia tonna lanmo lino tomate, liwa' maparri'na, nakita mambelami to Nabi Ibrahim sola Lazarus jio sa'dena.

2 Tesalonika 1:5

Manassamo lako kita' to kamarurusan-Na Puang Allataala rra'tah kara-karana tolino. Mapa'dikmo kamu', nasaba' nturu' kamu' pakkaeloran-Na Puang Allataala, apa ia toomo joo midisanga sipato' menjaji taun-Na lan kaparentan-Na.

2 Petrus 1:11

Na la natarima kamu' keanu' Puangta' Puang Isa Almaseh, Tomangpasalama'ta', lan kaparentan-Na te'da cappa'na.

Pengkitanna Yahya 21:8

Apa ia to tolanjangan, tomboko'i Puang Isa, totangmessipa', topabuno, tomanggauk sala, tomangpatama-tama, tossompa dewata, na sininna tomangnguraga la dipenca'beanni tama api colo' manglanya-lanya. Iamo kamatean mangpenduan.”

Pengkitanna Yahya 22:15

Apa ia to tau mpugauk bangngi to panggaukan gaja', susinna topangkita-kita, tomanggauk sala, topabuno, tossompa dewata, topangnguraga la kadanna, la panggaukanna, ia ngasan tee tau la saleanan jio mai joo kota.