Lukas 13:25 - Alkitab Duri

²⁵ Ia ke malemi to ampu bola llacak bolana, la jenjen bangmo kamu' jio salean ammimeta'da kumua, ‘Oo, ampu bola! Timbakanpakan bolata'!’ La mebalii joo ampu bola nakua, ‘Te'da kuissenni topole umbora kamu'!’

Lukas 13:25 ပူးပေါင်းရင်းမြစ်များ

Matius 25:41

Mangkai joo too kukuamo lako to to jio sa'de kairing-Ku' kumua, ‘Ee, kamu' to ditampakki ropu, palai kamu' ntee! Mentama kamu' api naraka dukku te'da cappa'na, to dipasadianmo Ballisi' sola tuu lako malaeka'na.

Lukas 13:27

Apa la nakuan pole' kamu' joo ampu bola kumua, ‘Ee togaja', palai kamu' ntee! Te'da kuissenni topole umbora kamu'.’

Lukas 3:8

Iamo joo la mipangpekitan to panggaukan melomi mpamanassai kumua mengkatoba'mo kamu' jio mai dosami! Danggi' misangai, kumua te'damo miladicalla nasaba' bati'na kamu' Nabi Ibrahim. La mikatappa'i kumua, makuasa to Puang Allataala mpupenjaji bati'nai Nabi Ibrahim tee mai batu!

Lukas 6:46

Mangngajahhimi Puang Isa nakua, “Ciapari mipekapuangngina', apa te'da mipugaukki to apa kupauan kamu'?

2 Korintus 6:2

Nakua Puang Allataala lan Sura' Allataala kumua, “Ia joo wattu kupueloh, kusa'dingmo to peta'dammu, na kutulungmoko joo wattu kamangpasalamatan.” Pesa'dingngii, iamo tee too to wattu napueloh Puang Allataala nanii to tau dipasalama'.

Ibrani 12:17

Miissen kumua, undinna tonna madoangmo Esau ntarimai joo barakka' jio mai ambe'na, te'da nadiben. Moi na gaja ssassanni joo panggaukanna, apa te'damo lalan dinii benni joo barakka', moi namangwai mata mpeta'dai.