Lukas 13:24 - Alkitab Duri

²⁴ “Ia to tau dipasalama' wa'ding dipasirapang tomentama ba'ba si'pi'. Iamo joo pengkulle-kullei mentama nnola ba'ba si'pi', nasaba' buda tau mpengkullei mentama apa te'da nakullei.

Lukas 13:24 ပူးပေါင်းရင်းမြစ်များ

Kada Bulawan 14:6

Ia to topacapa' nnangah kamaccan, apa te'da naampa'i, apa ia to tomapahang te'da namasussa nnampa' kapaissenan.

Kada Bulawan 21:25

Ia to tomakuttu mate napatei kamadoanganna, sanga cia'i mengkaja.

Matius 11:12

Sipamulanna Nabi Yahya mangngajahhi ratu lako too allo, buda tau nnewamo kaparentan-Na Puang Allataala madoang la rampa kuasan-Na.

Lukas 13:23

Den tau ngkutanaii nakua, “Oo Puang, ci'di'raka tau la dipasalama'?” Mebalimi Puang Isa nakuanni nakua,

Lukas 21:36

Majaga kamu', mimassambajang, ammimawatang nnoloi sininna to apa la jaji, miwa'ding mangngolo lako Aku', Anak Mentolino.”

Yahya 13:33

Oo anak-Ku' sola ngasan. Te'damo kumasai torro ssolan kamu'. La miangahna', apa susi to mangka kupauan pekaamberan to-Yahudi, na moi kamu' kupauan toomo kumua ia to kunii male, te'da mikullei ratu lako.

Yahya 5:4

Sanga sipissen-pissen namellao do' to malaeka'-Na Puang nagonggangngi to wainna. Na ia to tokaminang jolo mendo', ke tigonggangmi, malagahhi jio mai sakinna.]

Yahya 6:27

Danggi' mimangjama nnangahhi to kande la cappu' ba'tu buruk. Apa iara miangah to kande te'da nalaburuk, to la mben kamu' katuoan melo te'da cappa'na. Ia joo kande, iamo to la kuben kamu' Aku', Anak Mentolino, sanga mangka napangpeissenan Ambe'-Ku' Puang Allataala kumua natarimana'.”

Yahya 7:34

La miangahna', apa te'da mikullei nnampa'na', nasaba' te'da mikullei ratu lako to kunii.”

Yahya 8:21

Nakua pole' omo Puang Isa lako tobuda, “La malena' ammilannangahna', apa la mate tangdidampangan kamu'. Na ia to la kunii male, te'da mikullei ratu lako.”

Roma 10:3

Te'da napahangngi na te'da natarimai umbo nakua Puang Allataala mpupenjaji tomeloi to tolino. Apa napengkullei mpupenjaji tomelo kalena.

Kolose 1:29

Iara joo kupengkulle-kullei mpugaukki, mpake sininna kuasa to nabenna' Almaseh to mangjama lan kaleku'.

Ibrani 4:11

Iamo joo melo ke tapengkulle-kullei mentama ntuu joo tondok kakendenan to nabasse Puang Allataala, dikua danggi' naden tau tangmentama, susi to-Yahudi tonna anu', sanga cia'i matappa' lako Puang Allataala.

Yosua 7:3

la tonna polemo to mata-mata, napaumi lako Yosua apa to nakita. Nakua, “Danggi'mo tasussai ngasan bangngi to surudadu male parari, ganna'mo ke denni duang sa'bu ba'tu tallung sa'bu surudadu tasua male rrarii joo kota, nasaba' ci'di'ra taunna joo kota Ai.”

2 Petrus 1:10

Ee, tomala'bihku' sola ngasan! Napileimo kamu' Puang Allataala menjaji umma'-Na anna tambai kamu' nturu'i. Iamo joo la mipengkulle-kullei nturu' pakkaeloran-Na, anna manassa lako kalemi sola tolaen kumua tongannamo kamu' napilei Puang Allataala. Na ia ke mipugaukki susi joo, te'damo milampugauk pole'i to sipa' jolomi.