Lukas 12:56 - Alkitab Duri

⁵⁶ Ee, kamu' tomajekkong! Macca kamu' mbattuanannii to tanda mikita jao langi' sola lan lino. Apa te'da miissenni mbattuananni to apa kupugauk, tanda karatuan-Na Puang Allataala mangparenta susi Raja.”

Lukas 12:56 ပူးပေါင်းရင်းမြစ်များ

Matius 11:25

Ia joo wattu massambajangmi Puang Isa nakua, “Oo Ambe', Puangna langi' sola lino. Mangkurru sumanga'na' lako Ambe', nasaba' ia ngasan joo tabunianan lako tomandalan pahangna sola tomacca, tapangpeissenanmi lako totangpaissen.

Matius 16:3

Na ia ke makale', mikua mangkada, ‘La uran, sanga malea to randan langi' na maru'gun.’ Macca kamu' mbattuanannii to tanda mikita jao langi', apa te'da miissenni mbattuanannii to apa kupugauk, tanda karatuan-Na Puang Allataala mangparenta susi Raja.]

Matius 6:2

Jaji, ia ammimangpangben, danggi' mipau-paui susi tomajekkong. Ia to tau susi tuu lako nakabudai mpugauk panggaukan makassing lan bola passambajangan, ba'tu jio lalan maroah, dikua nakitai tau napujii. La miingaran tee kadang-Ku' kumua, mangkami ia natarima to pahalana.

Galatia 4:4

Apa ia tonna dete'mi to wattu napattantu Ambe' Puang Allataala, nasuami to Anak Allataala mentama lino. Najajianni mesa' baine, na nturu' atoran agama,