Lukas 12:37 - Alkitab Duri

³⁷ Liwa' masannangna tuu lako kaunan ke naampa'i puangna ntajanni. La mikatappa'i kumua, ia to puangna la massa'wak rampa' todai nasuai joo kaunanna cumadokko naparakaii.

Lukas 12:37 ပူးပေါင်းရင်းမြစ်များ

Matius 24:42

Jaji majaga kamu'! Nasaba' te'da miissenni kumua, piranra kularatu.

Lukas 12:36

La sadia kamu' mangjama susi mesa' kaunan ntajan puangna pole jio mai tobotting. Sadia bang ntimbakanni ba'ba ke mangdedekki.

Lukas 12:43

Liwa' ia masannangna joo kaunan ke polemi to puangna, naampa'i puangna mpugaukki to jamanna.

Lukas 17:8

Te'da. Sibalikanna mikuara lako joo kaunan, ‘Massa'wak rampa'ko! Mukamajaina', pasadianna' kandeku', kukumande. Kumangkapa, mumane' kumande.’

Lukas 21:36

Majaga kamu', mimassambajang, ammimawatang nnoloi sininna to apa la jaji, miwa'ding mangngolo lako Aku', Anak Mentolino.”

Lukas 22:27

Indara to la'bih matonggo: iaraka to tokumande, ba'tu iaraka to tomangparaka? Tantu ia to tokumande. Apa lanna' tangnga-tangngami susi to tomangparaka.

Yahya 12:26

Inda-inda kamu' to madoang mpangjamanna', la undii lako Aku', anna umbo-umbo kunii male, jio todai. Ia to tompangjamanna' la naangga' Ambe'-Ku'.”

1 Korintus 2:9

Kipangpeissenanni to apa diuki' lan Sura' Allataala kumua, “Napasadiamo Puang Allataala to la naben lako to tompakamoja'i to te'da lalopa nakitai tolino, to te'da lalopa nasa'dingngi, ba'tu to te'da lalopa nakalannaii.”

Filipi 1:21

Ia to tuoku' kupatuju lako ngasan Almaseh, na kamatean iamo pahalaku'.

Filipi 1:23

Nasialaina' tee dua. Madoangna' ssalaii tee lino angkumari'pih sola Almaseh, nasaba' iamo joo to kaminang melo.

2 Petrus 1:11

Na la natarima kamu' keanu' Puangta' Puang Isa Almaseh, Tomangpasalama'ta', lan kaparentan-Na te'da cappa'na.

2 Petrus 3:14

Ee, tomala'bihku' to kupakamoja'! Da'tan una kamu' ntajanni joo wattu, la mipengkulle-kullei sikalino padammi rupa tau anna te'da caccami ba'tu kakuranganmi ke mangngolomo kamu' lako Puang Allataala.

Pengkitanna Yahya 14:13

Ssa'ding pole' omo' gamara jao mai suruga nakua, “Uki'i tee, ‘Mammula tee too masannang to tau ke naalami bilangan taun-Na Puang Allataala, namate.’ ” Nakua Roh Allataala, “Tongan. Kendenmi mangjama mabanda', na ia to panggaukanna nabenmi Puang Allataala to pahalana.”

Pengkitanna Yahya 16:15

Ingaranni kadan-Na Puang Isa, “Pesa'dingngii. La ratuna' susi taboko ke bongi. Masannang to topasa'ding bang anna pasadia pakeanna, nate'da namangkale-kale lumingka, nadanggi' namasiri' jio olona tobuda.”

Pengkitanna Yahya 3:21

Ia to topatalo kueloran cumadokko jio sa'de-Ku' jao cadokkoan mala'bih-Ku' mangparenta. Susi Aku' patalomo' na cumadokkomo' sola Ambe'-Ku' jao cadokkoan mala'bih-Na kumangparenta sola.

Pengkitanna Yahya 7:17

nasaba' ia joo Anak Bembala', to ke'deh jio olona cadokkoan mala'bih, iamo la menjaji tomangrewana. Ia toomo la ssolanni lako wai mangkalimbuah. Na Puang Allataala la ssapuii to sininna wai mata kamasussanna.”