Lukas 12:20 - Alkitab Duri

²⁰ Apa nakua Puang Allataala mangkada lako joo tosugih, ‘Ee, tobango'! Ia bang unamo tee bongi naladika'tu to sunga'mu. Na indamora la mpuapai to ewanan murempun?’

Lukas 12:20 ပူးပေါင်းရင်းမြစ်များ

Ester 5:11

Mangcurita matampomi Haman mpau kasugiranna, kabudanna anakkana muane, sininna kakuasanna na kanapaendekanna raja to pangka'na kaminang majao na ia to tomapangka' laenna.

Kada Bulawan 10:2

Ia to kasugiran diala majekkong te'da bua'na, apa ia to tomaruruh penawa dipasalama' jio mai kamatean.

Kada Bulawan 11:4

Ia ke Kama'mi lino te'damo bua'na to ewanan, apa ia to tonturu' pakkaeloran-Na Puang Allataala, la salama' jio mai kamatean.

Kada Bulawan 13:7

Den tau ssanga kalena sugih, apa te'da apa naampui, den too to ssanga kalena kaasi-asi, apa gaja sugih.

Kada Bulawan 27:1

Danggi' muborro ncurita joloi apa to la jaji masawa, nasaba' te'da muissenni apara la jaji to allo dioloi lako.

Kada Bulawan 28:8

Ia to tompusugih assele' bunga doi'na na mesaro la'da', tongkamaseira tokaasi-asi la mputawai to kasugiranna.

Amos 6:13

Ee kamu' to gaja matampo mangkada, nasaba' mangkamo kamu' ntalo kota Lodebar. Mikua toopa kumua, kamawatanganmi miwa'ding ntaloi to kota Karnaim.

Lukas 11:40

Tobango' kamu'! Te'da na batang kalemi manda napaden Puang Allataala, apa Ia too mpadenni to penawammi.

1 Tesalonika 5:3

Den wattu nalamangkada to tau kumua, “Masannangmiki', te'damo tamalaja'”. Na iamora joo wattu nata'pa mperasai to pangsessa, na te'da nakullei palai. Ia joo pangsessa te'da nadikalannai, susi wattunna mesa' baine mangnguriwa' la keanak.

1 Timotius 6:17

La mupangngingaran to tosugih lan tee lino, danggi' namabangka', danggi' napattuan kalena lako kasugiranna to la cappu', apa la mangpattuan lakori Puang Allataala to la mbenki' sininna taparalluinna antapakei masannang.

1 Timotius 6:7

Denraka apa tabawa mentama tee lino? Te'da! Nadenraka apa wa'ding tabawa ssalaii tee lino? Te'da!

Yakub 4:14

Na te'da miissenni to apa la jaji masawa. Tuo unara kamu'ka iarika matemora kamu'ka? Susi bangra kamu' to saleu' cingga'tu'ra dikita na ta'demo.