Lukas 12:11 - Alkitab Duri

¹¹ Ia ammidikara-kara lan bola passambajangan iarika jio olona tomangparenta ba'tu tomangra'tah kara-kara, danggi' miselang kumua apara la mipau, ba'tu umbo la mikua mpangngewai kalemi.

Lukas 12:11 ပူးပေါင်းရင်းမြစ်များ

Matius 23:34

Pesa'dingngii! La kuparatuan kamu' tomapahang, nabi na guru, denni to la mibuno, na den tooi to la mipampang. Denni to la mirambi lan bola passambajangan, na den tooi to la miula' tarruh-tarruh jio mai mesa' kota lako kota laen.

Matius 6:25

Iamo joo, la miingaran! ‘Danggi' mipuselangngi to katuoanmi, to kumua apara la mikande, ba'tu la miiso', ba'tu apara to la miputamangkale. Nasaba' la'bih parallu ia to katuoan na ia to kande, na ia to batang kale la'bih parallu na ia to pakean!

Matius 6:27

Moi mipuselangngi to katuoanmi, te'da mikullei mpamalambeh sunga'mi moi sangmanne'!

Matius 6:28

Danggi' mipuselangngi to la mipake! Kitari to bunga bakung umbo nakua tuona jio padang. Te'da namangjama, te'da too namangngunu.’

Matius 6:31

Iamo joo, danggi' mipuselangngi to kumua, apara to la mikande, ba'tu apara to la miiso', ba'tu apara to la miputamangkale.

Matius 6:34

Iamo joo danggi' mipuselangngi to la miputuona masawa. Ganna'mo ke mipikkiri'i to la miputuona tee allo, nasaba' masawanna, laen o ia to napuselangna.”

Lukas 12:22

Nakuamo Puang Isa lako anak gurun-Na, “Iamo joo, la miingaran! ‘Danggi' mipuselangngi to katuoanmi, to kumua apara to la mikande, ba'tu apara to la miputamangkale.’