Kolose 4:3 - Alkitab Duri

³ Passambajangankan, anna benkan wattu Puang Allataala mpangpeissenan akkatta-Na, to jolona tangnaissenpa tau, to napugaukmo Almaseh. Na iamora joo kuditarungku.

Kolose 4:3 ပူးပေါင်းရင်းမြစ်များ

Matius 13:11

Nakuamo Puang Isa mebali, “Dibenmo kamu' barakka' la nnissenni to apa tangnaissen tau kumua la ratui Puang Allataala mangparenta susi Raja, apa ia to tau laen te'da nadipaissenni.

Jamanna Rasulu' 14:27

Ia tonna ratumo lako, nasuai nasirempun to jamaa jio kota Antiokhia. Nacuritan ngasanni matumbai Puang Allataala ntulungngi nawa'ding njama jamanna. Nacuritan tooi matumbai Puang Allataala ntulungngi anna ia to bangsa tangngia to-Yahudi memmatappa' lako Puang Isa.

Roma 16:25

Pakala'bihhi to Puang Allataala! Iamo to kuasan-Na mpamawatang kamatapparanmi situru' Kareba Kasalamatan jio mai Puang Isa Almaseh to kupangpeissenan. Ia tee Kareba te'da naissenni tau tempon jio mai dipadenna lino,

1 Korintus 16:9

sanga den wattu melo inde' kunii njama jaman makkeguna, moi nabuda tau nnewalina'.

1 Korintus 4:1

La misangakan kumua tompangjamankan Almaseh, sanga nasuakan Almaseh mpangpeissenanni to akkatta-Na Puang Allataala to te'dapa naissenni to totangnturu' Puang.

2 Korintus 2:12

Ia tongkuratumo jio kota Troas la mpangpeissenanna' karebanna Almaseh, nabenmo' Puang wattu la mangjama jio,

Efesus 3:1

Ia tee aku' Paulus ditarungkuna', nasaba' mpangpeissenanna' Puang Isa Almaseh lako kamu' bangsa tangngia to-Yahudi.

Efesus 3:3

Mangkamo kupau ci'di' lan tee sura'ku' kumua napakitanna' Puang Allataala joo akkatta-Na to te'da naissen tau jolona.

Efesus 3:4

Na ia ke mibacai, miissenmi kumua kupahang tonganmo joo akkatta-Na to mangka napugauk Almaseh.

Efesus 3:9

Napabarakkanni toona' jaman mpamanassai lako sininna tau joo akkatta-Na to jolona te'da bang tolino napauan Puang Allataala to mangka mpaden sininna apa.

Efesus 4:1

Ia tee aku', to ditarungku nasaba' mpangjamanna' Puang, meta'dana' lako kamu' kumua ia to sipa'mi la sipato' susi sipa'na umma'-Na Puang Allataala, nasaba' mangkamo kamu' dipilei menjaji umma'-Na.

Filipi 1:19

nasaba' kuissen kumua dila'paranna', sanga passambajangmi, na pangtulung-Na Roh-Na Isa Almaseh.

Filipi 1:7

Sipato'na' mangpikkiri' susi joo, nasaba' kupakamoja' kamu' na mituru' toomi to jaman mangka dipabarakkananna', la lanna' pangtarungkuan, la ia ke mpangpeissenanna' Kareba Kasalamatan iarika mpamanassai kumua tongan joo Kareba.

Kolose 1:26

iamo joo akkatta-Na to te'da naissenni tau sipamulanna lino, apa ia tee too dipangpeissenanmo lako umma'-Na Puang Allataala.

Kolose 4:18

Sallangku' Paulus. Aku' nnuki'i tee passallang. Danggi' mikalupaii kumua lan unapa' pangtarungkuan! Dennaa upa' nabarakka'i kamu' Puang Allataala. Padamo jolo' too. Sallangki' mati', Paulus.

1 Tesalonika 5:25

Ee, tomala'bihku' sola ngasan. Pellao doangankan!

2 Timotius 1:16

Dennaa upa' napakitanni Puang kameloan penawan-Na to repokkona Onesiforus, nasaba' ia to Onesiforus tatta'i mpamariona' na te'da nakasirisanna' moi kuditarungku.

2 Timotius 2:9

Ditarungkuna', angkumaparri' butung togaja', nasaba' mpangpeissenanna' Kareba Kasalamatan. Apa ia to kadan-Na Puang Allataala te'da nawa'ding dikammatan.

2 Timotius 4:2

ammupangpeissenanni to Kareba Kasalamatan lako tau, madoangrika ba'tu cia'rika, na la mupakainga' na mupapahangngi tooi to kasalanna. Apa la mupaendek tooi sumanga'na na musabbara' nnajahhii.

Filemon 1:22

Mepasan toona' kumua mupasadianna' ngenan iti' bolamu, nasaba' kukanassai kumua la natarima Puang Allataala to peta'da doangmi sola ngasan, kuwa'ding pole mati' tatorro sola.