Kolose 4:18 - Alkitab Duri

¹⁸ Sallangku' Paulus. Aku' nnuki'i tee passallang. Danggi' mikalupaii kumua lan unapa' pangtarungkuan! Dennaa upa' nabarakka'i kamu' Puang Allataala. Padamo jolo' too. Sallangki' mati', Paulus.

Kolose 4:18 ပူးပေါင်းရင်းမြစ်များ

Roma 16:20

Puang Allataalamora, to mben kamasannangan lako tolino, la rro'pokanni to kuasa Ballisi'. Dennaa upa' nabarakka'i kamu' Puangta' Puang Isa Almaseh.

Roma 16:22

Aku', Tertius, padammi tomatappa' lako Puang to nnuki'i tee sura', massallang todana' mati'.

Roma 16:23

Sallangna Gayus mati' to mpupangbongina' jio bolana to nanii too sirempun jamaa massompa. Sallangna Erastus to nnanna doi' kota. Sallangna too tomatappa' Kwartus. [

1 Korintus 16:21

Kurangngannipa ntee passallang to aku' nnuki'i. Sallangku' Paulus.

Filipi 1:7

Sipato'na' mangpikkiri' susi joo, nasaba' kupakamoja' kamu' na mituru' toomi to jaman mangka dipabarakkananna', la lanna' pangtarungkuan, la ia ke mpangpeissenanna' Kareba Kasalamatan iarika mpamanassai kumua tongan joo Kareba.

Kolose 4:3

Passambajangankan, anna benkan wattu Puang Allataala mpangpeissenan akkatta-Na, to jolona tangnaissenpa tau, to napugaukmo Almaseh. Na iamora joo kuditarungku.

2 Tesalonika 3:17

Sallangku' Paulus. Aku' nnuki'i tee passallang. Sininna to sura'ku' kupanii ngasan passallang tandana sura'ku'.

1 Timotius 6:21

Den tau ssanga kalena nnampuii joo kamaccan, anna te'damo nakatappa'i pangngajaran kasaranian to nakatappa'imo jolona. Dennaa upa' nabarakka'i kamu' Puang Allataala sola ngasan. Padamo jolo' too. Sallangki' mati', Paulus.

2 Timotius 1:8

Iamo joo la baranimoko mpangpeissenanni to Puangta' Puang Isa lako tau laen, na danggi' too mukasirisanna', to ditarungku nasaba' nturu'na' Puang Isa. Apa sibalikanna, la maparri'ko susi aku', nasaba' mpangpeissenanko Kareba Kasalamatan, situru' kapakullean to nabenko Puang Allataala.

2 Timotius 4:22

Dennaa upa' naampaiko Puang nabarakka'i kamu' sola ngasan! Padamo jolo' too. Sallangki' mati', Paulus.

Titus 3:15

Sininna padanta' tomatappa' kusolan inde' massallang lako iko. Paratuankan sallangki' lako sininna solata' tomatappa'. Dennaa upa', anna barakka'i ngasan kamu' Puang Allataala. Padamo jolo' too. Sallangki' mati', Paulus.

Ibrani 13:25

Dennaa upa' nabarakka'i kamu' Puang sola ngasan. Padamo jolo' too.

Ibrani 13:3

Ingaranni to tau lan pangtarungkuan ammipumasussai. Na ia to tau tangngia bang gauk to digaukanni, la miingaran too butung to kamu' dipasusi joo.