Kolose 4:17 - Alkitab Duri

¹⁷ Pauanni Arkhipus anna jama melo jamanna to napabarakkananni Puang Allataala.

Kolose 4:17 ပူးပေါင်းရင်းမြစ်များ

Matius 25:17

Susi todami joo kaunan diben dua talenta, nasumaro too manglokkon penduan.

Jamanna Rasulu' 1:17

Pada dipileiki' sola Yudas tonna tee la mangjama sola.”

Jamanna Rasulu' 14:23

Naangka' tooi Paulus sola Barnabas to pekaamberan lan simesa'-mesa' jamaa. Puasai sola massambajang jolo', namane' mpangbenni joo pekaamberan lako Puang to nakatappa'i.

Jamanna Rasulu' 20:28

Njagai kamu' kalemi. Mijagai tooi jamaa to mangka napangben Roh Allataala la mijagai, nasaba' kamu'mo diangka' menjaji tonnatoro' jamaa-Na Puang Allataala. La mijagai melo to taun-Na susi tomangrewa rrewai bembala'na, nasaba' elohnamo Puang Allataala namate Puang Isa dikua nawa'ding lla'bak taun-Na.

Efesus 4:11

Pada nabenni barakka' to umma'-Na. Den to napupenjaji rasulu', den to napupenjaji nabi, den to napupenjaji tompangpeissenan Kareba Kasalamatan, den to napupenjaji guru iarika tonnurusu' jamaa.

1 Timotius 4:14

La tatta'ko mpakkegunai to barakka' mangka nabenko Roh Allataala. Ia joo wattu den nabi mpaui to apa la jaji lako kalemu sola napalullungngiko pala'na pekaamberan jamaa.

1 Timotius 4:16

La mujagai melo to kalemu sola pangngajaranmu. La tatta'ko mpugaukki to mangka kuajaranko, nasaba' ia ke susii joo la salama'ko sola to mpesa'dingngiko.

1 Timotius 4:6

Ia ammutuli mpangpangngajaran ngasanni joo lako sininna padanta' tomatappa', manassamoko menjaji tomangjama melo-Na Puang Isa Almaseh, ammumatappa' tongan-tongan too, nasaba' tatta'ko mpelajahhi kadan-Na Puang Allataala sola pangngajaran tongan to muturu'mo mammula biccu'mu.

1 Timotius 6:20

Ee, Timotius! La mujagai melo to pangngajaran napabarakkananko Puang Allataala. Danggi' mumatean wattu lako curita tangkebattuanna to tangkasiri' Puang Allataala, mupasalai tooi penawa to kasite'geran te'da bua'na, to nasanga tau kamaccan apa sitonganna tangngia.

2 Timotius 1:6

Iamo joo kupakainga'ko, ammujama tonganni to jamanmu mpakkegunai to barakka' mangka nabenko Puang Allataala tongkupalullungngiko pala'ku'.

2 Timotius 2:2

Ia to pangngajaran tongan to mangka kuajaranko jio olona buda tau, la mupabarakkanan tau to wa'ding dikatappa'i sola macca mpangpangngajaran pole'i lako tau laen.