Kolose 4:12 - Alkitab Duri

¹² Sallangna Epafras mati', mesa' to-Kolose, pangjama-Na Puang Isa Almaseh. Te'da napajaii mpellao doangan kamu' sola ngasan, dikua ammisamawatang-watangnamo susi mesa' tomasaranian, ammituli nturu'i to pakkaeloran-Na Puang Allataala.

Kolose 4:12 ပူးပေါင်းရင်းမြစ်များ

Matius 5:48

Ia to Ambe'mi Puang Allataala jao suruga mpakamoja' sininna tolino. Iamo joo la susi toda mipugauk.”

Lukas 1:1

Ee, Teofilus, to mala'bihku'. Budamo tau mpengkulle-kullei tonganni nnuki' rampa'i katuoan-Na Puang Isa to mangkamo jaji lan tangnga-tangngata'.

Lukas 22:44

Gaja parri' penawan-Na Puang Isa, anna mattongan-tonganmi massambajang. To'do to ma'puh-Na do' litak susi rara.]

Yahya 12:26

Inda-inda kamu' to madoang mpangjamanna', la undii lako Aku', anna umbo-umbo kunii male, jio todai. Ia to tompangjamanna' la naangga' Ambe'-Ku'.”

Roma 15:14

Ee, tokupusile'to! Kukanassai kumua buda kameloanmi, na miissen melo to pangngajaran-Na Puang ammiwa'ding nnajahhi tau laen.

Roma 15:30

Ee, tokupusile'to! Meta'dana' mitongan-tongannii massambajang lako Puang Allataala mpassambajanganna', susi to kupassambajangan. Meta'dana' susi tee, nasaba' memmesa' penawamiki' sola Puangta' Puang Isa Almaseh na sipakamoja' toomiki', nasaba' Roh Allataala.

1 Korintus 14:20

Ee, tomala'bihku' sola ngasan! Danggi' mimangtangngah susi tote'da apa naissen. Sibalikanna la mangtangngah susira kamu' tomasaranianmo. Apa ianna kagajatan, la da'tan kamu' susi tote'dapa apa naissen.

1 Korintus 2:6

Moi nasusi joo, mpakekan kapaissenanki' ke sipangkadamokan to masaranianmo. Na ia joo kapaissenanki' tangngia kapaissenan naajarankan tolino ba'tu kapaissenan to naampui to tongkuasaii tee lino, sanga la lanynya' joo tongkuasaii.

2 Korintus 13:11

Ee, tomala'bihku' sola ngasan! Katampakanna, la mario kamu' sola angahhi to la mipumakassingna. Tarimai to sininna pangpangngingaranku'. La mesa' penawa kamu' misikalino, anna ampai kamu' Puang Allataala. Iamo Puang mangpakamoja' sola mangpasikalino.

Galatia 1:10

Na umbo nakua, pangkabudaian tolinoraka to kuangah? Te'da, apa pangkabudaian-Na Puang Allataala. Ba'tu nnangahra'ka lalan dikua nakabudaina' tolino? Ia ke nnangah unapa' lalan dikua nakabudaina' tolino, manassa tangngiana' taun-Na Almaseh.

Galatia 4:19

Ee, anakku'! Mapa'dikna', nasaba' kamu'. Susina' tomangnguriwa' sanggenna pajan to Almaseh lan katuoanmi.

Kolose 1:28

Karebannamora Almaseh to kipangpeissenan lako sininna tau. Kipake sininna kapaissenanki' mpakainga' sola nnajahhii, dikua anna mesa'-mesa' tau wa'ding kipangngolo lako Puang Allataala susi to tomasaranian, sanga memmesa'mi sola Almaseh.

Kolose 1:29

Iara joo kupengkulle-kullei mpugaukki, mpake sininna kuasa to nabenna' Almaseh to mangjama lan kaleku'.

Kolose 1:7

Ia tee Kareba Kasalamatan mangka naajaran kamu' Epafras, sangpangjamanki' to kipakamoja'. Iamo mesa' tompangjaman Almaseh to tatta' mbalii kamu'.

Kolose 1:9

Iamo joo tongkisa'dingngi to apa jaji lako kalemi, kipassambajangan tarruh kamu' lako Puang Allataala, kumua ammisannissen-nissennai to pakkaeloran-Na ammiampa' tooi to sininna kapaissenan to pole jio mai Roh Allataala.

Kolose 4:9

Ia to padanta' tomatappa' Onesimus la male toda mati'. To-Kolosei, to tatta' matappa' na kipakamoja' tongan. Iamora joo sola duai la mpauan kamu' kumua matumba-tumba unakan.

1 Tesalonika 5:23

Dennaa upa' na Puang Allataala, to mpangbengan kamasannangan, mpupenjaji kamu' tau mesan-Na, na dennaa upa' na Ia njagai to penawammi, tangngahmi, na panggaukanmi nadanggi' mikasalan nate'da caccami, ke ratu pole'i Puangta' Puang Isa Almaseh.

Filemon 1:23

Sallangna Epafras, to kusolan inde' pangtarungkuan, nasaba' nturu' todai Puang Isa Almaseh.

Ibrani 5:14

Ia to kande makarrah dipasadian tomasaranianmo. Tomasaranianmo battuananna ia joo tau nnissenmo to disanga melo na gaja', naturu'i to melo.

Ibrani 5:7

Ia tonna tuo unapa Puang Isa lan lino, massambajangngi napasibawai wai matanna to sarro-Na lako Puang Allataala to makuasa mpasalama'i jio mai kamatean. Natarima Puang Allataala to peta'dan-Na, nasaba' mpamajiongngi kalena na mangpesa'ding lako Puang Allataala.

Yakub 1:1

Ee, tomala'bihku' sola ngasan, umma'-Na Puang Allataala to titaleh lan lili'na lino. Ia tee sura' pole jio mai aku' Yakub tonasua Puang Allataala sola Puang Isa Almaseh.

Yakub 1:4

La sasabbara'-bara'na kamu', anna te'damo caccami ba'tu kakuranganmi.

Yakub 5:16

Iamo joo pada la nnakui kamu' kasalanmi ammisipassambajangan midipamalagah. Liwa' makuasa to peta'da doangna to tonturu' pakkaeloran-Na Puang Allataala.

2 Petrus 1:1

Ee, tomala'bihku' sola ngasan! Pada matappa'miki' lako Puangta' Puang Isa Almaseh, nasaba' kamarurusan-Na. Iamo Puang Allataala, Tomangpasalama'ta'. Aku' Simon Petrus, taun-Na ba'tu rasulu'-Na, ngkiringan kamu' tee sura'.

Yudas 1:24

Pujii to Puang Allataala, nasaba' makuasa nnampai kamu', ammitatta' matappa', na te'da caccami, mimasannang too sanggemmi mangngolo lako Ia to torro lan kamala'biran-Na.