Kolose 4:10 - Alkitab Duri

¹⁰ Sallangna mati' Aristarkhus, to kusolan ditarungku. Sallangna toda Markus, sampu pissenna Barnabas. Susi to kuuki' jolo, la mitarima melo ke malei mati'.

Kolose 4:10 ပူးပေါင်းရင်းမြစ်များ

Jamanna Rasulu' 12:12

Mangkanna naissen susi joo, malemi lako bolana Maryam, indona Yahya to disanga too Markus. Buda tau jio sirempun massambajang.

Jamanna Rasulu' 12:25

Ia tonna mangka Barnabas sola Saulus mpangbenni to pangtulungan lako tomatappa', polemi jao mai kota Yerusalem nasolanni to Yahya to disanga too Markus.

Jamanna Rasulu' 13:13

Mangkappala'mi Paulus sola to solana jio mai kota Pafos lako kota Perga jio tana Pamfilia. Ntuumo jio nanii messarak Yahya Markus napole lako kota Yerusalem.

Jamanna Rasulu' 13:5

Ia tonna ratu lako kota Salamis jio pulau Siprus, mpangpeissenanni kadan-Na Puang Allataala lan bola passambajangan to-Yahudi. Den todai Yahya Markus to nasolan mbalii.

Jamanna Rasulu' 19:29

Marongka ngasanmi to tau lan joo kota. Najokkoi to Gayus sola Aristarkhus, nagararakki tama panggoloran lan joo kota. (Ia to Gayus sola Aristarkhus to-Makedonia nasolan Paulus lan kalingkanna.)

Jamanna Rasulu' 20:4

Den ba'tu pira-pira tau nasolan: Sopater to-Berea anakkana Pirus, Aristarkhus na Sekundus to-Tesalonika, Gayus to-Derbe, Tikhikus na Trofimus to-Asia, na Timotius.

Jamanna Rasulu' 27:2

Mende'mokan kappala' jio kota Kaisarea, kappala' jio mai kota Adramitium, kilamangnguju mpasitarruh-tarruh ba'tu pira-pira kakendenan kappala' jio propinsi Asia. Den mesa' to-Makedonia pole jio mai kota Tesalonika kisolan disanga Aristarkhus.

Jamanna Rasulu' 4:36

Susi toomi napugauk Yusuf to-Siprus. Mbalukki padangna, nabenni rasulu' to allinna. Ia joo Yusuf bati'na Lewi na ia to rasulu' ssanga tooi Barnabas (battuananna tomangpakatana).

Roma 16:2

Tarima meloi susi mesa' umma'-Na Puang, sola susi to sipato'na natarima umma'-Na Puang Allataala. La miben ke denni kaparalluanna, nasaba' budamo pangtulungna lako aku' sola tau laen.

Roma 16:7

Sallangku' lako Andronikus na Yunias, sangtondokku' to mangka kusolan ditarungku. Jolo ia menturu' lako Almaseh na aku', na to katandan lan tangnga-tangngana rasulu'.

2 Timotius 4:11

Lukas mandamo torro kusolan. Angahhi Markus ammuratu sola, nasaba' wa'dingngi mbaliina' lan jamanku'.

Filemon 1:23

Sallangna Epafras, to kusolan inde' pangtarungkuan, nasaba' nturu' todai Puang Isa Almaseh.

Filemon 1:24

Sallangna toda sangpangjamanku' Markus, Aristarkhus, Demas sola Lukas.

1 Petrus 5:13

Ia to tomatappa' inde' kota Babilon, to napilei todamo Puang Allataala, massallangngi mati'. Susi toomi sangpangjamanki' Markus to kupuanak masallang todai.