Kolose 4:1 - Alkitab Duri

¹ Ee, kamu' to puang! La maruruh kamu' lako kaunanmi, danggi' mipasilaenanni. Ingaranni kumua te'da na kamu' manda to la dipekapuangngi, apa den toda Puangmi jao suruga.

Kolose 4:1 ပူးပေါင်းရင်းမြစ်များ

Matius 20:4

Nakuamo ngkuanni, ‘Ia ammimadoang kumande gaji, male kamu' lako bara'bah anggoro'ku'. Sitinaja to gaji.’

Lukas 19:15

Ia tonna mangkamo joo puang diangka' menjaji raja, polemi. Napangpesuanmi naratu joo kaunanna ssikitanni, sanga madoangngi la nnissenni kumua sipira unara sarona.

Yakub 2:13

Ianna te'da takamasei padanta' rupa tau, te'da toda nakamaseiki' Puang Allataala ke dibicaraki'. Apa ia antakamasei padanta' rupa tau, te'da nalasessaki' Puang Allataala ke Kiama'mi lino.

Yakub 5:4

Te'da mibenni gajinna to tau misua njama bara'bahmi. Ia tee too pesa'dingngii to sarrona! Metamba joo torrempun assele' bara'bahmi meta'da tulung, na ia to petambana nasa'dingmo Puang Allataala, to makuasa.

Pengkitanna Yahya 17:14

Namane' mangrari joo olok-olok sola tuu lako raja nnewa Anak Bembala'. Apa ia joo Anak Bembala' ntaloi sola tau matappa'-Na, sanga iamo Puangna sininna puang na Rajana sininna raja.” Ia to taun-Na, iamo to mangka napilei anna pakedoi penawanna.

Pengkitanna Yahya 19:16

Den sanga diuki' jio pakean malando-Na na upan-Na, “Rajana sininna raja na Puangna sininna puang.”