Kolose 3:24 - Alkitab Duri

²⁴ Ingaranni kumua la miampa' pahalami jio mai Puang, susi to mangka nabasse lako umma'-Na. Puangmi to Almaseh na Iamo mipangjaman.

Kolose 3:24 ပူးပေါင်းရင်းမြစ်များ

Kada Bulawan 11:18

Ia to assele' napaden togaja' te'da bua'na, apa ia to assele' napaden tonturu' pakkaeloran-Na Puang Allataala den tarruh bua'na.

Matius 10:41

Ia to tontarima nabi, sanga tonasuai Puang Allataala, la llolongan barakka' susi nabi. Na ia to tontarima tomanggauk melo, sanga tomeloi, la llolongan barakka' susi tomanggauk melo jio mai Puang Allataala.

Matius 5:12

Parannu kamu' mimasannang, nasaba' buda pahalami jao suruga. Ia tee kadipakario-rioanmi tee too, susi bang una to pura digaukanni tuu lako nabi tonna anu'.”

Matius 5:46

Sitonganna, ia ke mipakamoja'i to tompakamoja' kamu', te'da miampa'i to pahalami jao suruga, nasaba' moi passassung napugauk toda susi joo.

Matius 6:16

Mangngajahhimi Puang Isa nakua, “Ia ammipuasa, danggi' mimenggamuru bang susi tomajekkong. Ia to tau susi joo naanggai' bang tangmendau', dikua naissenni tau kumua puasai. La miingaran tee kadang-Ku' kumua, mangkami ia ntarimai to pahalana!

Matius 6:5

Mangngajahhimi Puang Isa nakua, “Ia ammimassambajang, danggi' misusi tomajekkong. Ia to tau susi tuu lako nakabudai massambajang lan bola passambajangan sola jio too pangpasitammuan lalan, dikua nakitai tau. La miingaran tee kadang-Ku' kumua, mangkami ia natarima to pahalana!

Lukas 14:14

Na la dibarakka'i kamu', nasaba' ia tuu lako tau te'da nalangkullei mpabalahhii to kameloanmi. La miampa' to pahalami jio mai Puang Allataala, ke wattunnami to tomelo dipatuo pole' jio mai kamatean.”

Lukas 6:35

Te'da nalasusi joo! Sibalikanna, pakamoja'i to ewalimmi, na la manggauk melo kamu' lako kalena. La mangpaindan kamu', na danggi'mo mitajanni to polena. Ia ke susii joo, la buda to pahalami, na la menjaji kamu' anak Puang Allataala Jao Majaona. Nasaba' melo to penawan-Na Puang Allataala lako totangnnissen mangkurru sumanga' na tomanggauk gaja'.

Yahya 12:26

Inda-inda kamu' to madoang mpangjamanna', la undii lako Aku', anna umbo-umbo kunii male, jio todai. Ia to tompangjamanna' la naangga' Ambe'-Ku'.”

Jamanna Rasulu' 20:32

La kupangbenmo kamu' lako Puang Allataala tee too, anna Ia mpuissen kamu' ammirannuan tongan-tonganni to kareba kameloan penawan-Na. Makuasa Ia la mpamawatang kamu' nabarakka'i kamu' to barakka' mangka napasadian sininna umma'-Na.

Roma 1:1

Ee, todipusile'to jio kota Roma, to napakamoja' Puang Allataala, to napileimo menjaji taun-Na! Napilei toomo' menjaji taun-Na, naangka'na' menjaji rasulu' la mpangpeissenan Kareba Kasalamatan jio mai Puang Allataala.

Roma 14:18

Ia to tonturu' Almaseh susi joo, napusannang Puang Allataala, nakasiri' tooi tau laen.

1 Korintus 11:23

Ia to mangka kuajaran kamu', iamo to napabarakkananna' Puang kumua, ia joo bongi tonna dipangpejokkoan Puang Isa, nnalai roti,

1 Korintus 3:8

Pada torroanna to tomantanan na tomangbolloh. Pada-pada tooi ntarima assele'na situru' jamanna.

1 Korintus 7:22

Ia to kaunan namatappa'mo lako Puang, tomaradekan-Namo ia Puang. Na ia to tomaradeka namatappa'mo lako Puang, kaunan-Na ia Almaseh.

Galatia 1:10

Na umbo nakua, pangkabudaian tolinoraka to kuangah? Te'da, apa pangkabudaian-Na Puang Allataala. Ba'tu nnangahra'ka lalan dikua nakabudaina' tolino? Ia ke nnangah unapa' lalan dikua nakabudaina' tolino, manassa tangngiana' taun-Na Almaseh.

Efesus 6:6

Danggi' na ia manda ke nakita kamu' mipemasannangngii to penawanna, apa susi mesa' kaunan-Na Almaseh kumua, la masumanga' kamu' mpugauk pakkaeloran-Na Puang Allataala.

Efesus 6:8

La mikanassai kumua, moi kaunan ba'tu tomaradeka pada la nnampa' pahalana jio mai Puang Allataala to sininna panggaukan melona.

Kolose 2:18

Danggi' mieloran kalemi dipasala ke te'da mituru' pangngajaranna tuu lako tau. Naanggai' ssessa kalena, na ssompa malaeka', denmo nakita pengkita. Ia to pikkirisanna to te'da bua'na mpumemmatampoi tuu lako tau,

Ibrani 10:35

Danggi' mika'tu rannu, sanga ia ammitatta' matappa', la buda to poleanna.

Ibrani 11:6

Moi mesa' tau te'da napumasannang Puang Allataala ke tangmatappa'i. Ia ke den tau madoang mangngolo lako Puang Allataala, la nakatappa'i kumua den to Puang Allataala, na la nakatappa'i too kumua melo penawan-Na to Puang Allataala lako to tonnangahhi.

Ibrani 9:15

Napasijajianni Almaseh to basse baru, dikua na ia to kamatean-Na la lla'bak tau jio mai kasalanna to napugauk tonna atoran basse jolo, na ia to tomangkamo napilei Puang Allataala la nnampa' barakka' te'da cappa'na to mangka nabasseanni.

1 Petrus 1:4

Parannuki' la ntarima barakka' tangmasolang, te'da naburuk, na tangmaluse, to napasadianmiki' Puang Allataala jao suruga.

2 Petrus 1:1

Ee, tomala'bihku' sola ngasan! Pada matappa'miki' lako Puangta' Puang Isa Almaseh, nasaba' kamarurusan-Na. Iamo Puang Allataala, Tomangpasalama'ta'. Aku' Simon Petrus, taun-Na ba'tu rasulu'-Na, ngkiringan kamu' tee sura'.

Yudas 1:1

Ee, tomala'bihku' sola ngasan, todipilei na tonapakamoja' tarruh Ambe' Puang Allataala! Naampai kamu' saratun-Na pole' Puang Isa Almaseh. Aku' Yudas sile'tona Yakub, tonasua Puang Isa Almaseh, ngkiringan kamu' tee sura'.

Rut 2:12

Dennaa upa' Nabalahhi PUANG Allataala to kameloanmu, Nabarakka'iko to sipato' mutarima jio mai PUANG Allataala to kisompa kami' to-Israel, na Ia toomo munii mentilendung.”