Kolose 3:2 - Alkitab Duri

² Battuananna, ia to penawammi la mipatuju lakoi to la miampa' jao suruga, danggi' na apa lan lino mipikkiri'.

Kolose 3:2 ပူးပေါင်းရင်းမြစ်များ

Kada Bulawan 23:5

Nasaba' cingga'tu'ra nalanynya' to ewanan, butung to kepani' male mentia' susi langkan.

Matius 16:23

Apa messailei Puang Isa nakuanni to Petrus, “Ee, Ballisi', palai laloko ntee! La mutumangna', nasaba' ia to pikkirisanmu, pikkirisan tolino ia, tangngia pikkirisan jio mai Puang Allataala.”

Matius 6:19

Mangngajahhimi Puang Isa nakua, “Danggi' murempunan kalemu ewanan lan lino, to wa'ding nakande ane, ta'garan, ba'tu naboko tau.

Lukas 12:15

Mpatarruhhi kadan-Na Puang Isa lako tobuda ntuu jio nakua, “Majaga kamu', miingaran meloi, danggi' mimadoang nnassang sininna apa lan tee lino. Nasaba' ia to katuoanna tau te'da napole jio mai kasugiran, moi nasugih lallang.”

Lukas 16:11

Jaji, ia ke kasugiran lino nate'da mikullei dikatappa'i, inda pole' opa madoang mpabarakkanni kamu' kasugiran tongan jao suruga?

Filipi 1:23

Nasialaina' tee dua. Madoangna' ssalaii tee lino angkumari'pih sola Almaseh, nasaba' iamo joo to kaminang melo.

Kolose 3:1

Angahhi to apa jao suruga to nanii Almaseh cumadokko mangparenta jio sa'de kanan-Na Puang Allataala, nasaba' wa'ding dipau kumua dipatuo pole'mo kamu' jio mai kamatean sola Almaseh.

Kolose 3:5

Iamo joo ca'beanni to sininna kamadoangan gaja'mi, susinna manggauk sala, panggaukan laen to tangsipato', nturu' bang pakkaeloran penawa, mangpanggaukan tangmelo na madoang nnassang sininna apa, nasaba' ia to tomangngassang dipapadai tossompa dewata.