Kolose 3:16 - Alkitab Duri

¹⁶ La mipallan penawa tarruhhi to pangngajaran-Na Almaseh ammituru'i. La da'tan bang kamu' siajaran misipakainga' too mpake sininna kapaissenanmi. La macanning atimmi mangkurru sumanga' lako Puang Allataala mimakkelong Zabur, kelong pangpujian ba'tu kelong laen.

Kolose 3:16 ပူးပေါင်းရင်းမြစ်များ

Kada Bulawan 14:8

Macca to tomelo akkalanna, sanga naissen to la napugauk, apa ia to tobattuk napakena kabangosanna.

Kada Bulawan 18:1

Ia to tocia' sirau tau, battuananna ngkitan mesa kalena, nate'gehhi bang to pangngampa'na tau laen.

Matius 26:30

Mangkai joo too, mpakkelonganmi kelong pangpujian, namane' male de' Buntu Zaitun.

Lukas 2:51

Mangkai joo too polemi Puang Isa sola tomatuan-Na re' kota Nazaret, namengkaturu' bang. Napallan penawa ngasanni indona to ianna joo.

Yahya 15:7

Ia ke da'tan kamu' memmesa' sola Aku', miingaran tooi to pangngajaran-Ku', moi apa mipeta'da lako Ambe', la naben kamu'.

Roma 10:17

Jaji, ia ke denni tau mpangpeissenanni to karebanna Almaseh, mane'ri disa'ding. Na ia ke denmi tau ssa'dingngi, mane'ri wa'ding nakatappa'i.

Roma 15:14

Ee, tokupusile'to! Kukanassai kumua buda kameloanmi, na miissen melo to pangngajaran-Na Puang ammiwa'ding nnajahhi tau laen.

1 Korintus 14:15

Jaji, apara la kupugauk? Iamo to kumua la massambajangna' mpake penawangku', angkumassambajang too mpake tangngahku'. La makkelongna' mpuji Puang Allataala mpake penawangku', angkumakkelong too mpake tangngahku'.

1 Korintus 14:26

Ee, tomala'bihku' sola ngasan! Apa ngasanra battuananna tee? Ia ke sirempun kamu' la ssompa Puang, pada den patummi. Den tomakkelong, tomangngajahhi, tompangpeissenan to apa mangka napakitanni Puang Allataala, tomangkada mpake basa mejangngaran, na den too tombattuananni to apa napau. Apa ia ngasan joo la dipugauk anna pamawatangngi to kamatapparanna tomatappa'.

Efesus 1:17

Kupassambajangan kamu' lako Puang Allataala, Ambe' mala'bih, Puang-Na Puangta' Puang Isa Almaseh, anna ia to Roh Allataala mben kamu' kapaissenan, ammiwa'ding nnissen tonganni to Puang Allataala.

Efesus 5:17

Danggi' messipa' susi tobango', apa la miissen to pakkaeloran-Na Puang.

Efesus 5:19

La sipamasumanga' kamu' makkelong Zabur sola kelong pangpujian, mimakkelong situru' canning atimmi ke sitammu kamu' mpakala'bih Puang.

Efesus 5:26

Susimi joo napatorro leko' kamu' Almaseh ammimenjaji tau mesan-Na. Nadampangan kamu' mpake wai pangjioran sola pangngajah-Na.

Kolose 1:28

Karebannamora Almaseh to kipangpeissenan lako sininna tau. Kipake sininna kapaissenanki' mpakainga' sola nnajahhii, dikua anna mesa'-mesa' tau wa'ding kipangngolo lako Puang Allataala susi to tomasaranian, sanga memmesa'mi sola Almaseh.

Kolose 1:9

Iamo joo tongkisa'dingngi to apa jaji lako kalemi, kipassambajangan tarruh kamu' lako Puang Allataala, kumua ammisannissen-nissennai to pakkaeloran-Na ammiampa' tooi to sininna kapaissenan to pole jio mai Roh Allataala.

Kolose 4:6

Ia ammimangkada la napumasannang to tossa'dingngi. Mebali melo kamu' ke denni tau ngkutanai kamu'.

1 Tesalonika 1:8

Nasaba' pole jio mai kamu' na ia to karebanna Puang Isa kaissenan tarruh lako tana Makedonia na Akhaya. Na te'da najio manda, apa umbo-umbo nanii silelemo male to kareba kumua matappa'mo kamu' lako Puang Allataala. Jaji te'damo kiparallu mpaui to kamatapparanmi,

1 Tesalonika 4:18

Jaji ia tee kada la mipake sipamawatang.

2 Tesalonika 3:15

Apa danggi' mipasusii ewalimmi. Pangngingaran melo bangngi susi sipato'na padanta' tomatappa'.

1 Timotius 6:17

La mupangngingaran to tosugih lan tee lino, danggi' namabangka', danggi' napattuan kalena lako kasugiranna to la cappu', apa la mangpattuan lakori Puang Allataala to la mbenki' sininna taparalluinna antapakei masannang.

2 Timotius 3:15

Ingaranni kumua muissenmo mammula biccu'mu to apa diuki' lan Sura' Allataala, to mpupenjajiko mandalan tangngah ammumatappa' lako Puang Isa Almaseh napasalama'ko.

Titus 3:6

Nasuami Puang Allataala to Puang Isa, Tomangpasalama'ta', mpakabuhhiki' Roh Allataala,

Yakub 1:5

Ia ke den kamu' tangpadete' tangngahmi, la meta'da kamu' lako Puang Allataala nabenni kamu', sanga malaboh na masannang penawan-Na mangpabengan lako sininna tau.

Yakub 3:17

Apa ia to tonnampa' kamaccan pole jao mai, melo te'da caccana, sitarruhna sikabudan tau, mabassa, mangpasipatu, mangkamase, na tuli mpugauk kameloan, te'da narempe' sangbali na te'da too namajekkong.

Yakub 5:13

Ia ke masussa kamu', massambajang kamu'. Ia ke masannang kamu', makkelong kamu' mipuji Puang Allataala.

1 Yahya 2:14

Ee, kamu' to anak! Kuukiran kamu' tee, nasaba' miissenmo to Ambe', Puang Allataala. Ee, kamu' to ambe'! Kuukiran kamu' tee, nasaba' miissenmo to Kada mangpatuo to denmo mammula jiona mai. Ee, kamu' tomalolle'! Kuukiran kamu' tee, nasaba' matappa' tonganmo kamu', miparinawai to kadan-Na Puang Allataala, ammitaloimi to Ballisi'.

1 Yahya 2:24

Iamo joo na ia to pangngajaran tongan to mangkamo misa'ding mammulammi matappa', la miingaran melo lan penawammi. Ia ke miingaran meloi, la da'tan kamu' mesa' penawa sola Anak na Ambe',

1 Yahya 2:27

Apa ia to kamu', naparatuanmo kamu' Almaseh to Roh Allataala to torro lan penawammi. Te'da miparallu naajahhi tolaen, nasaba' Ia bang unamo nnajahhi kamu' to sininna apa. Na tongan ngasan to naajaran kamu', tangngia pangnguraga. Iamo joo, la da'tan kamu' mesa' penawa sola Almaseh, susi to naajaran kamu' Roh Allataala.

Pengkitanna Yahya 14:3

Ia joo tau saratuh patang pulo a'pa' sa'bu makkelong mpukelong kelong baru jio olona cadokkoan mala'bih-Na Puang, a'pa' olok-olok na duang pulo a'pa' tomatua-tua. Ia joo kelong te'da tau ngkullei mpelajahhii, sangadinna ia manda joo tau saratuh patang pulo a'pa' sa'bu, to mangkamo dipasalama' lan mai lino.

Pengkitanna Yahya 15:3

anna makkelong mpukelong kelongna Nabi Musa, taun-Na Puang Allataala, na kelong-Na Anak Bembala' nakua, “Oo, Puang Allataala! Tomakuasaki', liwa' mala'bih na te'da susinna to panggaukan-Ta'. Rajanaki' sininna bangsa, melo na tongan to panggaukan-Ta'.

Pengkitanna Yahya 19:10

Suju'na' jio olona joo malaeka' la ssompai, apa napangkadaina' nakua, “Danggi'! Danggi' sompana'. Puang Allataalara musompa! Nasaba' pada todisuariki' sola to sile'tomu to nturu' pangngajaran-Na Puang Isa!” Ia joo pangngajaran-Na Puang Isa iamo mpamasumanga' nabi.

Pengkitanna Yahya 5:9

Makkelongngi mpukelong kelong baru: “Sipato'ki' nnalai tapiak tooi to segelna tuu sura' tilulun, sanga mangkamiki' digere' anna ia to rara kamatean-Ta' tapake nnallian tau Puang Allataala jio mai sininna rapu tau, tondok, basa na bangsa.