Kolose 3:14 - Alkitab Duri

¹⁴ Ia to kaminang parallu iamo to sipakamoja' kamu', nasaba' ia ke sipakamoja' kamu' la memmesa' tongan to penawammi.

Kolose 3:14 ပူးပေါင်းရင်းမြစ်များ

Yahya 13:34

Kuben kamu' parenta baru kumua, la sipakamoja' kamu'. Susi Aku' mpakamoja' kamu', susi toda kamu' la sipakamoja'.

Yahya 15:12

Iamo tee parenta-Ku' to kumua, la sipakamoja' kamu' padammi rupa tau, susi Aku' mpakamoja' kamu'.

Yahya 17:23

Memmesa'mo' sola tuu lako taun-Ta', na Ambe' memmesa' sola Aku', anna mattongan-tongan memmesa'mo sola ngasan. Ia ke susii joo na la naissen tolino kumua tasuana', na issen tooi kumua tapakamoja'i tuu lako taun-Ta' susi Aku' tapakamoja'.

Roma 13:8

Danggi' mikaindanan lako padammi rupa tau, apa sipakamoja' kamu'. Ia to tompakamoja' padanna rupa tau, padai to nturu' ngasan atoranna Nabi Musa.

Efesus 1:4

Napakamoja'ki' Puang Allataala. Napileimiki' tonna te'dapa nadipaden tee lino nasaba' Almaseh, antawa'ding menjaji tau mesan-Na nate'da caccata' ba'tu kakuranganta'.

Efesus 4:3

Mipengkulle-kullei tatta' sikalino ammida'tan nnampuii to kamangmesan penawa napaden Roh Allataala.

Efesus 5:2

La sikamasean kamu' susi Almaseh ngkamaseiki', iamo na mpangkaroban kalena la mpasalama'ki'. Ia joo kamatean-Na susi karoba bunangngu' to napumasannang Puang Allataala.

Kolose 2:2

Kupugaukki tee ammipada-pada mawatang sola ngasan ke memmesa' penawamo kamu' nasaba' sipakamoja' kamu', ammipahang tonganni akkatta-Na Puang Allataala to jolona tangnaissen tau, battuananna miissenmo to Almaseh.

1 Tesalonika 4:9

Te'damo kiparallu nnuki'i umbo la mikua mpakamoja' padammi tomatappa', sanga mangkamo kamu' naajahhi Puang Allataala.

1 Timotius 1:5

Ia to patunna kusuako nnanggaii, dikua namangpenawa melo to tau, nawa'ding nnissenni umbonna to melo ba'tu gaja', namatappa' tongan-tongan lako Puang Allataala, na ia ke susimi joo, wa'dingmi sipakamoja'.

Ibrani 6:1

Iamo joo melo ke mipamulai mpelajahhii to pangngajaran kasaranian to sipato' dipangngajaran lako to masaranianmo, danggi' na ia manda mipelajahhi to bungah pangngajaran. Danggi' omo na ia midadu'-dadu' bang to bungah pangngajaran to kumua la tatorroimi mpugaukki to apa te'da bua'na, na la matappa' lako Puang Allataala,

1 Petrus 4:8

Na ia to kaminang parallu, la mattongan-tongan kamu' sipakamoja', ammisisulle sidampangan.

2 Petrus 1:7

Na te'da na ia manda joo kamawatangan, apa la mpengkulle-kullei kamu' mpakamoja' padammi tomatappa'. Na te'da na ia manda joo padammi tomatappa', apa la mipakamoja' tooi to padammi rupa tau.

1 Yahya 3:10

Inda-inda to te'da nampugauk pakkaeloran-Na Puang Allataala ba'tu te'da nampakamoja' padanna tomatappa', te'da napuanakki Puang Allataala. Iamo joo mpamanassai indara to napuanak Puang Allataala na inda to napuanak Ballisi'.

1 Yahya 3:23

Iamo tee to parenta-Na kumua, la matappa'ki' lako Anak, Puang Isa Almaseh, sola la sipakamoja'ki', susi to mangkamo nasuanki' Almaseh.

1 Yahya 4:21

Jaji, ia to tompakamoja' Puang Allataala, la mpakamoja' too padanna tomatappa'. Iamo joo napangparentan Almaseh lako kita'.