Kolose 3:10 - Alkitab Duri

¹⁰ Mangkamo kamu' diben katuoan baru. Menjajimo kamu' tau baru to napaden Puang Allataala. Na da'tan bang kamu' dibarui, ammisannissen-issenna Puang Allataala sola ammisasusi-susinna sipa'-Na.

Kolose 3:10 ပူးပေါင်းရင်းမြစ်များ

Yahya 17:3

Iamo tee to katuoan melo te'da cappa'na, ke naissen tonganmiki' tau kumua Kita'mo Puang Allataala tongan, anna issen toona' kumua Aku'mo Puang Isa Almaseh to mangka tasua.

Roma 12:2

Danggi' mikaturu'-turu' bang lako tote'da naissen Puang Allataala. Ake'mo ia na Puang pemeloii to penawammi, ammiwa'ding nnissenni to pakkaeloran-Na, apa to melo na sukku', na apa to nakabudai Puang Allataala.

Roma 13:12

Cingga'tu'mora naratu to kasalamatan. Iamo joo tapajaimi mpugauk kagajatan. Taparewaimo kaleta' panggaukan melo.

Roma 13:14

Ake'mo na Puang Isa Almaseh mpatuju kamu' to sipato'na mipugauk. Danggi' mituru'i bang kamadoangan gaja'mi.

Roma 8:29

Na ia to tonaissenmo, pura napattantumo la menjaji sangrupa Puang Isa Almaseh, Anak Allataala, dikua na Almaseh menjaji pamungah jio mai sininna sile'to tomatappa'.

2 Korintus 3:18

Na ia tee too tapupangngarrangmo to kamala'biran-Na Puang, te'damiki' susi to nasamboi kaen to lindota'. Iamo joo samasai-sainna ia to sipa'ta' la susi sipa'-Na Puang, na saendek-endekkena to kamala'biranta' nabenki' Roh Allataala.

2 Korintus 4:16

Iamo joo kupaui nena' kumua te'da kika'tu rannu. Moi na ia tee batang kaleki' disolangngi, apa ia to penawangki' allo-allo tuli dibarui.

2 Korintus 4:6

Ia tonna padenni Puang Allataala tee lino mangkadai nakua, “La ollong to arrang lan kamalillinan.” Ia toomo nnarrangngii to penawanta', antakullei nnissenni to kamala'biran-Na Puang Allataala to mangngarrang jio lindo-Na Almaseh.

2 Korintus 5:17

Ia to memmesa' penawamo sola Almaseh, menjaji tau barumo. Lanynya'mi to masainna, anna menjaji baru ngasanmo.

Galatia 3:27

Mangkamo kamu' dijio' mpau sangan-Na Almaseh, jaji mitarimamo to sipa'-Na Almaseh.

Galatia 6:15

Nasaba' todisunna' ba'tu totangdisunna' pada te'da naparallu, apa ia to parallu iamo to katuoan baru.

Efesus 2:10

Tangsipato'ki' susi joo, sanga Puang Allataalara mbenki' katuoan baru, nasaba' memmesa'miki' sola Puang Isa Almaseh. Nabenmiki' katuoan baru antapugauk kameloan, to napasadia jolomo la tapugauk.

Efesus 2:15

Nata'dei to atoran agama to-Yahudi sola parentana, dikua anna mpupenjaji mesa'ki' bangsa baru to memmesa' sola Ia. Susimi joo carana mpasikalinoi to to-Yahudi na bangsa tangngia to-Yahudi.

Kolose 3:12

Napakamoja' kamu' Puang Allataala na mangkamo kamu' napilei menjaji tau mesan-Na. Iamo joo la sikamasean kamu' padammi rupa tau, melo penawa, danggi' matampo, mangkada rampa' lako tau, sola sabbara' kamu'.

Kolose 3:14

Ia to kaminang parallu iamo to sipakamoja' kamu', nasaba' ia ke sipakamoja' kamu' la memmesa' tongan to penawammi.

Filemon 1:6

Massambajangna' kumua ammuissen tonganni to sininna barakka' pole jio mai Almaseh, sanga pada matappa'ki'.

1 Yahya 2:3

Ia ke nturu'ki' parenta-Na Puang Allataala, iamo tandana kumua nnissenmiki' Puang Allataala.

1 Yahya 2:5

Apa ia to tonturu' kadan-Na Puang Allataala, iamo mpakamoja' tongan Puang Allataala. Iamo tandana kumua mesa' penawamiki' sola Puang Allataala.

Pengkitanna Yahya 21:5

Ia joo tocumadokko jao cadokkoan mala'bih mangkada nakua, “Kubarui ngasanmi.” Nakuan toopa', “Uki'i tee kada mangka kupau, sanga tongan nawa'ding dikatappa'i.”