Kolose 3:1 - Alkitab Duri

¹ Angahhi to apa jao suruga to nanii Almaseh cumadokko mangparenta jio sa'de kanan-Na Puang Allataala, nasaba' wa'ding dipau kumua dipatuo pole'mo kamu' jio mai kamatean sola Almaseh.

Kolose 3:1 ပူးပေါင်းရင်းမြစ်များ

Kada Bulawan 15:24

Ia to tomandalan pangtangngaranna mangnguju de', namambela jiong mai lino tomate.

Matius 22:44

Nakua Puang Allataala mangkada lako Puangku', ‘Cumadokkoko ntee sa'de kanan-Ku', angkupupentalo ngasanni to ewalim-Mu mukuasaii.’

Matius 26:64

Mebalimi Puang Isa nakua, “Ie', susi tuu tapaunna, Aku'mo. Katappa'i kumua, mammula tee wattu, la mikitana' tee Aku', Anak Mentolino, cumadokko jio sa'de kanan-Na Puang Allataala to makuasa, na la ratuna' jao mai langi' lan saleu'!”

Matius 6:20

Sibalikanna la'bih melo ke manggauk meloko, nasaba' susimi joo murempunan kalemu ewanan jao suruga, to te'da nakullei nakande ane, ta'garan, ba'tu naboko tau.

Matius 6:33

La mipengkulle-kullei mpugaukki to pakkaeloran-Na Puang Allataala sola to apa nakabudai, na ia to laenna miparallui la naben too kamu'.

Markus 12:36

Na pangpatujun-Na Roh Allataala na Raja Daud kalena mangkada nakua: Nakua Puang Allataala mangkada lako Puangku', ‘Cumadokkoko ntee sa'de kanan-Ku', angkupupentalo ngasanni to ewalim-Mu mukuasaii.’

Markus 14:62

Mebalimi nakua, “Ie', Aku'mo. La mikitana' tee Aku', Anak Mentolino, cumadokko jio sa'de kanan-Na Puang Allataala to makuasa, na la ratuna' jao mai langi' lan saleu'.”

Markus 16:19

Ia tonna mangkamo Puang Isa sipangkada sola anak gurun-Na, tiangka'mi de' suruga, na cumadokko jio sa'de kanan-Na Puang Allataala.

Lukas 12:33

Balukki to ewananmi mibenni tokaasi-asi. La nnangah kamu' doi' to te'da namemmatua, iamo to kasugiran dianna jao suruga. Ia joo kasugiran te'da nata'de, nasaba' te'da nakullei la naboko tau, na te'da nakullei nakande ane.

Lukas 20:42

Nasaba' lan Sura' pangpujianna Raja Daud, ia kalena mangkada nakua: Nakua Puang Allataala mangkada lako Puangku', ‘Cumadokkoko ntee sa'de kanan-Ku',

Lukas 22:69

Apa mammula tee wattu, ia tee Aku' Anak Mentolino la cumadokko jio sa'de kanan-Na Puang Allataala to makuasa.”

Jamanna Rasulu' 2:34

Te'da ia na Raja Daud to mende' suruga, apa nakuara ia mangkada: Nakua Puang Allataala mangkada lako Puangku', ‘Cumadokkoko ntee sa'de kanan-Ku',

Jamanna Rasulu' 7:55

Apa ia to Stefanus nakuasai Roh Allataala, namentingngara de' langi' nangkita kamala'biran-Na Puang Allataala na Puang Isa ke'deh jio sa'de kanan-Na.

Roma 8:34

Te'da ia tau ngkullei ncallaki', sanga Puang Isa Almaseh la mpangkadananki'. Iamo to mangka mate, natuo pole' na cumadokkomo sola Puang Allataala.

Roma 8:6

Ia ke nakuasaiki' kamadoangan penawanta', manassa la dipumate. Apa ia ke nakuasaiki' Roh Allataala, la nnampa'ki' kamasannangan sola katuoan melo te'da cappa'na jio mai Puang Allataala.

2 Korintus 4:18

Te'da na ia kipikkiri' to apa nakita mata to cingga'tu'ra, apa iara to tangnakita mata to te'da cappa'na.

Efesus 4:10

Jaji, Ia to Almaseh to mangka mellao, Ia toomo mangka endek de' ngenan majaoannapa na langi', kumua napasukku'i to sininna apa lan lino.

Efesus 5:22

Ee, kamu' baine! La menturu' kamu' lako muanemi susi lako Puang.

Kolose 2:20

Wa'ding dipau kumua mangkamo kamu' mate sola Almaseh, battuananna dila'paranmo kamu' jio mai kuasanna sininna tomakuasa ba'tu tomangparenta jao langi' to ngkuasai lino. Ia ke susii joo, ciapari mituru' unapi joo atoran susi to napugauk totangnturu' Puang?

Kolose 3:2

Battuananna, ia to penawammi la mipatuju lakoi to la miampa' jao suruga, danggi' na apa lan lino mipikkiri'.

Ibrani 1:13

Moi mesa' malaeka' te'da nakuan Puang Allataala kumua, “Cumadokkoko ntee sa'de kanan-Ku', angkupupentalo ngasanni to ewalim-Mu mukuasaii.”

Ibrani 1:3

Iamo joo Anak to mpapajanni lako kita' to kamala'biran-Na Puang Allataala. Ia to sipa'-Na sola kuasan-Na susi una sipa'-Na sola kuasan-Na Puang Allataala. Ia toomo nnampaii tee lino mpake kada makuasan-Na na te'da natiseran. Ia tonna mangkamo mate la ndampangan tolino, cumadokkomi jao suruga jio sa'de kanan-Na Puang Allataala to kaminang makuasa namangparenta.

Ibrani 10:12

Apa ia to Almaseh pissenri mpassompan kalena la ndampangan tolino, na ia joo pangkaroban te'da naparallu didadu'. Mangkai joo too cumadokkomi jio sa'de kanan-Na Puang Allataala namangparenta sola.

Ibrani 12:2

La tapugaukmi tapatuju lakoi Puang Isa to penawanta', to mpadenni to kamatapparanta', napupenjajiki' masaranian. Gaja mesirisan joo kamatean jao kaju sitamben. Apa moi nasusi joo te'da nasipattekanni, sanga ia manda naingaran to kamasannangan la naperasai undinna. Na ia tee too cumadokkomi jio kananna cadokkoan mala'bih-Na Puang Allataala namangparenta sola.

Ibrani 8:1

Ia to garonto'na sininna tee kupau: Iamo to Imang Lompota' cumadokko jao suruga jio sa'de kanan-Na Puang Allataala to kaminang makuasa, anna mangparenta sola.

1 Petrus 3:22

Na endekmi de' suruga, nacumadokko jio sa'de kanan-Na Puang Allataala namangparenta sola, mparenta sininna malaeka', sininna tomakuasa na tomangparenta to wa'ding ngkuasai tolino.