Kolose 2:6 - Alkitab Duri

⁶ Mitarimamo to Puang Isa Almaseh kumua iamo Puangmi. Iamo joo ia to panggaukanmi la situru' panggaukanna to tompupuangngi to Almaseh.

Kolose 2:6 ပူးပေါင်းရင်းမြစ်များ

Matius 10:40

Mpatarruhpa kadan-Na Puang Isa nakua, “Ia to tontarima kamu', padamo to Aku' natarima. Na ia to tontarimana', padamo to ntarima Puang Allataala to ssuana'.

Yahya 13:20

La miingaran tee kadang-Ku' kumua, ia tontarimai to tokusua, iamo to ntarimana'. Na ia tontarimana', ia toomo ntarimai to tossuana'.”

Yahya 14:6

Mebalimi Puang Isa nakua, “Aku'mo minii nnissen Puang Allataala sola nnampa' katuoan. Moi mesa' tau te'da nakullei ratu lako Ambe', ke te'dai kupuissenni.

1 Korintus 1:30

Menjajimo kamu' umma'-Na Puang Isa Almaseh, nasaba' Puang Allataalara. Iamo ssua Puang Isa la mpasalama' kamu', napupenjaji kamu' tomacca, tomelo, napatorro leko' kamu' jio mai to totangnturu' Puang, nala'bak kamu' jio mai kuasa dosa.

2 Korintus 5:7

Nasaba' ia ke tuo unapiki' lan tee lino, kamatapparanra lako Puang Isa mpatujuki', tangngia apa nakita mata.

Galatia 2:20

Ia tee too moi angkutuo, tangngiamo aku' mputuoi, apa Almasehmo tuo lan kaleku'. Ia tee katuoanku' tee too, matappa'na' lako Anak Allataala to mangka mpakamoja'na', na mangka mpangkarobananna' kalena, sanga dosaku'.

Galatia 3:26

Napuanak ngasanmo kamu' Puang Allataala, sanga matappa'mo kamu' lako Puang Isa Almaseh.

Efesus 4:1

Ia tee aku', to ditarungku nasaba' mpangjamanna' Puang, meta'dana' lako kamu' kumua ia to sipa'mi la sipato' susi sipa'na umma'-Na Puang Allataala, nasaba' mangkamo kamu' dipilei menjaji umma'-Na.

Filipi 1:27

Samari ia to kumua la mituru' tarruh bang to pangngajaran-Na Almaseh. Na moi malena' mati' ba'tu tangmalena' mati', da'tan bang kusa'ding to karebammi kumua mesa' penawa kamu', mipada-pada mpengkulleii anna buda tau matappa' lako Kareba Kasalamatan,

Kolose 1:10

Ianna susimo joo, ia to sipa'mi la situru' pakkaeloran-Na Puang Allataala anna pumasannangngi penawan-Na. Susinna, mipugaukki to mangrupa-rupa kameloan, misannissen-nissennai to Puang Allataala,

Kolose 3:17

Moi apa mipugauk ba'tu mipau, ia to panggaukanmi la situru' panggaukanna umma'-Na Puang Isa. Mangkurru sumanga' kamu' lako Ambe' Puang Allataala, nasaba' apa to napugauk Puang Isa lako kalemi.

1 Tesalonika 4:1

Ee, tomala'bihku' sola ngasan! Mangkamo kamu' kiajahhi matumba sipa'mi anna pusannangngi Puang Allataala. Tongan kumua tuomo kamu' susi joo. Apa ia tee too, kipangngingaran kamu' mpau sangan-Na Puang Isa, ammila'bih mpengkulle-kulleipi tuo susi joo.

Ibrani 3:14

Sanga kita' ngasanmo nnampa' barakka' jio mai Almaseh, ke matappa' tarruhki' susi tontamane' matappa' ratu lako ssalainta' lino.

1 Yahya 2:6

Ia to tomangkada kumua, “Mesa' penawana' sola Puang Allataala”, la naturu' to sipa'na Almaseh.

1 Yahya 5:20

Taissenmo kumua mangkamo mentolino to Anak Allataala na mangka toomo mbenki' kapaissenan, antawa'ding nnissenni indara to Puang tongan. Mesa' penawamiki' sola Puang Allataala tongan, sanga mesa' penawamiki' sola Anak Allataala, Puang Isa Almaseh. Iamo Puang Allataala tongan, to mpangben katuoan melo te'da cappa'na.

Yudas 1:3

Ee, tomala'bihku' to kupakamoja'! Ia to pattujungku' nnukiran kamu' sura', iamo to la mpaui to kasalamatan tatarimamo. Apa kukita tee too, la'bih paralluna' mpangngingaran kamu' lan tee sura'ku', ammitatta' mpangngewai pangngajaran tongan. Ia joo pangngajaran pissenri Puang Allataala mpabarakkannii to umma'-Na.