Kolose 2:3 - Alkitab Duri

³ Nasaba' Almasehra mpamanassai to sininna kapaissenan-Na sola kamaccan-Na Puang Allataala.

Kolose 2:3 ပူးပေါင်းရင်းမြစ်များ

Kada Bulawan 2:4

muangahhi butung to nnangah pera', ba'tu butung to nnangah ewanan jiong litak mandalan.

Matius 10:26

Nakua pole' omo Puang Isa, “Danggi' mimalaja' lako tolino, nasaba' te'da to membuninna tangladipangpekitan, na te'da to dibunianan tangladipangpeissenan undinna.

Lukas 11:49

Iamo joo napattantui Puang Allataala kumua, ‘La kuparatuanni nabi sola rasulu', denni to la nabuno, na den tooi to la nasessa.’

Roma 11:33

Tangnadete' akkalanna tolino to kamala'biran-Na, kamaccan-Na sola kapaissenan-Na Puang Allataala! Te'da ia tau wa'ding nnissenni to pura napattantu. Te'da too ia tau wa'ding mpahangngi to napugaukkuna.

1 Korintus 1:24

Apa ia to tonapileimo Puang Allataala, la to-Yahudi, ba'tu bangsa tangngia to-Yahudi, napahang kumua, iamo carana Puang Allataala mpapajan kuasan-Na sola kapaissenan-Na.

1 Korintus 1:30

Menjajimo kamu' umma'-Na Puang Isa Almaseh, nasaba' Puang Allataalara. Iamo ssua Puang Isa la mpasalama' kamu', napupenjaji kamu' tomacca, tomelo, napatorro leko' kamu' jio mai to totangnturu' Puang, nala'bak kamu' jio mai kuasa dosa.

Efesus 1:8

Napugaukki Puang Allataala susi joo, nasaba' liwa'ki' napakamoja'. Liwa' mandalan tangngah namacca to Puang Allataala!

Kolose 1:19

Napuelohhi Puang Allataala kumua sininna to apa den jio kalena, den toda jio Anak.

Kolose 1:28

Karebannamora Almaseh to kipangpeissenan lako sininna tau. Kipake sininna kapaissenanki' mpakainga' sola nnajahhii, dikua anna mesa'-mesa' tau wa'ding kipangngolo lako Puang Allataala susi to tomasaranian, sanga memmesa'mi sola Almaseh.

Kolose 1:9

Iamo joo tongkisa'dingngi to apa jaji lako kalemi, kipassambajangan tarruh kamu' lako Puang Allataala, kumua ammisannissen-nissennai to pakkaeloran-Na ammiampa' tooi to sininna kapaissenan to pole jio mai Roh Allataala.

Kolose 3:16

La mipallan penawa tarruhhi to pangngajaran-Na Almaseh ammituru'i. La da'tan bang kamu' siajaran misipakainga' too mpake sininna kapaissenanmi. La macanning atimmi mangkurru sumanga' lako Puang Allataala mimakkelong Zabur, kelong pangpujian ba'tu kelong laen.

Kolose 3:3

Wa'ding dipau kumua mangkamo kamu' mate, na ia to katuoan barummi sola Almaseh te'dapa napajan, nasaba' te'dapa napapajanni Puang Allataala.

2 Petrus 1:5

Nabenmo kamu' Puang Allataala joo barakka'. Iamo joo la mipengkulle-kullei na ia to kamatapparanmi la mipapajan lan sipa' melomi. Na te'da na ia manda to kumua la messipa' melo kamu', apa la miissen tongan too to Puang Allataala.

Pengkitanna Yahya 2:17

Ia to tomangpesa'ding la naingaran to apa napau Roh Allataala lako jamaa. Na ia to topatalo la kueloran ngkande manna to tangdikita sola la kuben batu mabusa to kuuki'imo sanga baru to te'da naissenni tau laen mbacai, apa ia manda to tokuben.”