Kolose 2:19 - Alkitab Duri

¹⁹ anna te'da naturu' Almaseh to disanga ulu. Ia to tomatappa' wa'ding dipasangrapang mangrupa-rupa lesoan batang kale-Na Almaseh na ia to Almaseh dipasangrapang ulunna joo kale. Jaji, ia to Almaseh nnampai joo kale anna te'da natiseran anna saloboh-lobohna situru' pakkaeloran-Na Puang Allataala.

Kolose 2:19 ပူးပေါင်းရင်းမြစ်များ

Lukas 5:38

Ia to anggoro' baru, la dipatama todapi pangpanian baru.

Yahya 17:21

Oo Ambe', meta'dana' ke wa'dingngi anna memmesa' sola ngasanni susi Ambe' na Aku' memmesa', na Aku' memmesa' sola Ambe'. Dennaa upa' namemmesa' sola Ambe', anna matappa' to sininna tolino kumua Ambe' to ssuana'.

Jamanna Rasulu' 4:32

Ia to tomatappa' mesa' penawa bang. Moi mesa' te'da ssangai kumua ia to apa naampui, apa mesanna. Padami to apa naampui, napuapai sola ngasan.

Roma 11:17

Ia to to-Yahudi dipasusi kaju zaitun dipiara. Na ia to bangsa tangngia to-Yahudi dipasusi kaju zaitun lampung. Den tangke kaju zaitun pira' dipiara na disembangngi dinii mpencangkoran tangke kaju zaitun lampung, iamo to kamu' to bangsa tangngia to-Yahudi. Ia tee jaji, dikua ammiperasai toda barakka' jio mai Puang Allataala to dipatuju lako to-Yahudi.

1 Korintus 1:10

Ee, tomala'bihku' sola ngasan! Kuasan-Na Puangta' Puang Isa Almaseh kumeta'da kumua mimesa' pangtangngaran. Danggi' misipekka, apa la memmesa' penawara kamu'.

1 Korintus 11:3

Madoangna' ke miissenpi tee to kumua, Almaseh to ngkapalai muane, na muane ngkapalai baine, na ia to ngkapalai Almaseh Puang Allataala.

1 Korintus 3:6

Aku' ntananni na Apolos nco'bohhi, apa Puang Allataala to mpatuoi.

Efesus 1:22

Nabenni Puang Allataala to sininna apa nakuasaii Almaseh, na iamo menjaji kapalana sininna tomatappa' lako. Iamo susi ulu,

Efesus 1:23

na ia to tomatappa' susi batang kale-Na. Ia to tomatappa' mpasukku' Almaseh na ia to Almaseh mpasukku'i to sininna apa.

Efesus 2:21

Almaseh mpasikalakki sininna pangkajuanna joo bola dipajenjen sanggenna mangka namenjaji mesa' bola ballo-Na Puang Allataala.

Efesus 4:3

Mipengkulle-kullei tatta' sikalino ammida'tan nnampuii to kamangmesan penawa napaden Roh Allataala.

Efesus 5:29

Te'da ia mesa' tau ngkaba'ci batang kalena, apa naparakairi ia. Susi too Almaseh mparakai tomatappa',

Filipi 1:27

Samari ia to kumua la mituru' tarruh bang to pangngajaran-Na Almaseh. Na moi malena' mati' ba'tu tangmalena' mati', da'tan bang kusa'ding to karebammi kumua mesa' penawa kamu', mipada-pada mpengkulleii anna buda tau matappa' lako Kareba Kasalamatan,

Kolose 1:10

Ianna susimo joo, ia to sipa'mi la situru' pakkaeloran-Na Puang Allataala anna pumasannangngi penawan-Na. Susinna, mipugaukki to mangrupa-rupa kameloan, misannissen-nissennai to Puang Allataala,

Kolose 1:18

Almaseh toomo kapalana sininna tomatappa' to dipasangrapang batang kale-Na. Iamo Anak Tungga' to bungah dipatuo pole' jio mai kamatean, dikua namenjaji kaminang matande jio mai to apa den.

Kolose 2:2

Kupugaukki tee ammipada-pada mawatang sola ngasan ke memmesa' penawamo kamu' nasaba' sipakamoja' kamu', ammipahang tonganni akkatta-Na Puang Allataala to jolona tangnaissen tau, battuananna miissenmo to Almaseh.

1 Tesalonika 3:12

Na dennaa upa' mipede' sipakamoja' sola ngasan, mipede' mpakamoja' too sininna tau, susi kami' mpakamoja' kamu'.

1 Tesalonika 4:10

Mipakamoja'mo to sininna padammi tomatappa' jio lili'na tana Makedonia. Moi nasusi joo liwa'pa kipeta'da lako kamu' sola ngasan, ammila'bih mpengkulle-kulleipi sipakamoja'.

2 Tesalonika 1:3

Ee, tomala'bihku'! Tuli mangkurru sumanga'kan lako Puang Allataala nasaba' kamu'. Ia tee sipato' ke kipugaukki nasaba' samatappa'-tappa'mimo lako Puang Isa Almaseh mipede' sipakamoja' too.

1 Petrus 3:8

Ee, tomala'bihku'! Katampakanna, la mesa' kada sola mesa' penawa kamu'. La sipakamoja' kamu' padammi tomatappa', la sikamasean too kamu', nadanggi' mimatampo.

2 Petrus 3:18

Apa la pena' mperasai kamu' kameloan penawan-Na Puangta' Puang Isa Almaseh, Tomangpasalama'ta', ammisannissen-nissennai. Pakala'bihmi tee too, ratu lako te'da cappa'na! Amin. Sallangki' mati', Petrus,