Kolose 2:18 - Alkitab Duri

¹⁸ Danggi' mieloran kalemi dipasala ke te'da mituru' pangngajaranna tuu lako tau. Naanggai' ssessa kalena, na ssompa malaeka', denmo nakita pengkita. Ia to pikkirisanna to te'da bua'na mpumemmatampoi tuu lako tau,

Kolose 2:18 ပူးပေါင်းရင်းမြစ်များ

Daniel 11:38

La ssompai dewata benteng to te'da lalopa napugaukki tojolona. La napassompanni to bulawan, salaka, paramata na ewanan laen to makeangga', lako joo dewata benteng.

Matius 24:24

Nasaba' buda nabi tangtongan sola tossanga kalena tomangpasalama' la mpangpekitan kalena. La mpugauk mangrupa-rupa tanda mejangngaran sola panggaukan mekalajatan, la mpalao sala tau, na ke wa'dingngi moi too umma'-Na Puang Allataala.

Roma 1:25

Napasullei pangngajaran tangtongan to pangngajaran tongan jio mai Puang Allataala. La'bih nakabudai to ssompa pangpajajin-Na Puang Allataala, na ia to ssompa Puang Allataala to mpajajii. Na Puang Allataalara to sipato' disompa te'da cappa'na! Amin.

Roma 16:18

Ia to tosusi joo te'da namengkaunan lako Almaseh Puangta', apa naniiri ia mpemasannangngi penawanna. Melo bang to kadanna to la nanii nnuraga tomaruruh kaju dalle.

1 Korintus 13:4

Ia to tompakamoja' padanna rupa tau tosabbara', tomelo penawa, tote'da napangngimburuan, tote'da napamatande kalena, tote'da namatampo,

1 Korintus 3:3

sanga mituru' unapa to kamadoangan penawammi. Sanga ia ke masere ati unapa kamu', mimassite'geh bang unapa, iamo joo mpabuttii kumua massipa' susi bangpa kamu' to totangnturu' Puang.

1 Korintus 4:18

Den ba'tu pira-pira tau lan tangnga-tangngami memmatampo, nasaba' nasangai te'da kulamale mati'.

1 Korintus 4:6

Ee, tomala'bihku'! Ia tee mangka kupau nena' nakannana' sola Apolos. Mpakekan kaleki' la mialai palelean mata to la mipumelona ammipahangngi tee kada to kumua, “Turu'i to atoran denmo”. Ia ke mipahangmi joo, te'damo mimatampo na te'da too mipasilaenanni to tompangjaman Puang, battuananna te'da mikita majaoi mesa' mikita majiongngi to laenna.

1 Korintus 8:1

Ia omo la kupau tee too to juku' dipassompan lako dewata. Tonganna to nasanga tau kumua macca ngasanmiki'! Apa ia joo kamaccan mpupemmatampo tau, na ia to pangpakamoja' mangpamasumanga' tau.

1 Korintus 9:24

Miissen kumua ia ke massimbarai to tau, kinjara' ngasanni, apa mesa'ra la nnampa' paraseng. Iamo joo massimbaramo kamu', ammiampa'i joo paraseng.

2 Korintus 11:3

Apa magiangna', iamo ke denni to mpalao sala kamu' ammicia'mo matappa' tongan lako Almaseh susi jolona. Susi todai Hawa tonna anu' tonna sedei ulah napalao salai.

2 Korintus 12:20

Magiangna' kumua, ia ke iti'mo', ia to kamu' te'damo misusi to kukadoangnginna, na moi tee aku' te'da toomo kususi to mikadoangnginna. Danggi' na ia ke iti'mo' anna ia mandamo kukita to tosibobo', tomapa'dik ati, topangmabirisan, tompangngundaran mesa kalena, tompau gaja' tolaen, tomangpeasa, tomatampo na tomangpasisala-sala.

Efesus 4:17

Kuasan-Na Puang kupangngingaran kamu' kumua, “Danggi' omo mimessipa' susi totangnturu' Puang Allataala.” Tangsipato'na bang to napikkiri' tuu lako tau,

Efesus 5:6

Danggi' mieloranni to tau susi joo mpalao sala kamu' mpake kada-kada mala'bih apa sitonganna te'da natongan. Nasaba' mabirih Puang Allataala lako to tocia' nturu' parenta-Na.

Filipi 3:14

Ia tee aku', susina' tomassimbara. Kinjara'na' angge cappa'na la nnampa' paraseng. Ia joo paraseng iamo to kumua nasuana' Puang Allataala mentama suruga, nasaba' kamatean-Na Puang Isa Almaseh.

Kolose 2:23

Nasanga tau kumua melo joo atoran, nasaba' ia to tonturu'i dikita kumua tomangngagama, nasaba' mpamajiongngi kalena sola ssessa kalena, apa sitonganna te'da bua'na, napakeri mpasau penawanna.

Kolose 2:4

Kupauan kamu' tee kumua danggi' naden tau mpalao sala kamu', to nnanggai'-gai' bangra mpangkadai melo kamu'.

Kolose 2:8

Majaga kamu', danggi' naden tau mpalao sala kamu' nnajahhi kamu' kapaissenan tolino ammimengkaunan pole'. Te'da bua'na joo kapaissenan tolino, na te'da too napole jio mai Almaseh, apa pole jio mai tomakuasa ba'tu tomangparenta jao langi' to ngkuasai lino na pangngajaran disimanahhi jio mai tojolota'.

1 Timotius 1:7

Madoang ngasanni menjaji guru agama, na sitonganna ia una nate'da naissenni to apa napau, ba'tu ia to apa napangpangngajaran to nasangamo tongan.

1 Timotius 4:1

Napamanassai Roh Allataala kumua, ia to wattu la dioloi lako, den ba'tu pira-pira tau la mentangmatappa' pole' lako Puang Isa Almaseh. Ia tuu lako tau la menturu' lako roh mangpalao sala na nturu' pangngajaranna setang.

2 Petrus 2:14

Te'da nacau' mpugauk dosa. Mpenunu bang baine bandarang, nasaba' pangkabudaianna manggauk sala. Nasede tooi to tote'dapa namasaranian anna manggauk sala toda. Napubiasan bangmo to sipa' gaja'na ngkadoangngi apanna tau. Apa ia tuu lako tau, natampakki ropu Puang Allataala.

1 Yahya 2:26

Kuukiran kamu' tee sura', nasaba' den tau mpengkulle-kulleii la mpalao sala kamu'.

Pengkitanna Yahya 12:9

nadipenca'bean tama lino sola sininna malaeka'na. Ia to naga, iamo to ulah tua disanga Ballisi' ba'tu puanggawana setang to mpalao sala sininna tau lan lino.

Pengkitanna Yahya 13:8

La nasompa sininna to totuo lan lino, saliwanna to tomangkamo diuki' sanganna lan Sura' Katuoan tonna te'dapa nadipaden tee lino. Ia to Sura' Katuoan, sura'-Na Anak Bembala' to mangkamo digere'.

Pengkitanna Yahya 19:10

Suju'na' jio olona joo malaeka' la ssompai, apa napangkadaina' nakua, “Danggi'! Danggi' sompana'. Puang Allataalara musompa! Nasaba' pada todisuariki' sola to sile'tomu to nturu' pangngajaran-Na Puang Isa!” Ia joo pangngajaran-Na Puang Isa iamo mpamasumanga' nabi.

Pengkitanna Yahya 3:11

Na la ratuna' mati' madoi'! Kanana'i meloi to apa miampuimo. Danggi' naalai kamu' tau to paraseng kapataloanmi.