Kolose 2:11 - Alkitab Duri

¹¹ Wa'ding dipau kumua mangkamo kamu' disunna', nasaba' memmesa' penawamo kamu' sola Almaseh. Te'da nasunna' kamu' tau, apa iara to penawammi nasunna' Almaseh. Battuananna mangkami Almaseh lla'paran kamu' jio mai sipa' jolomi.

Kolose 2:11 ပူးပေါင်းရင်းမြစ်များ

Markus 14:58

“Denmo kisa'dingngi tee tau nakua, ‘La kuro'pokan tee Bola Puang Allataala pangkabua' tolino, na tallung allora kunii mpake'dehhi to laenna, to tangngia pangkabua' tolino.’ ”

Lukas 2:21

Ia tonna karuamo allona jajinna joo pea, disunna'mi nadisangai Isa. Iamo to sanga napauanni malaeka' to indo-Na, tonna te'dapa nakeba'tanganni.

Jamanna Rasulu' 17:24

Puang Allataala to mangka mpadenni tee lino sola issinna, Iamo Puangna langi' na lino. Te'da Ia natorro lan bola dewata panggaraga tolino.

Jamanna Rasulu' 7:48

Apa te'da ia natorro lan bola panggaraga tolino to Puang Allataala makuasa, nasaba' den diuki' lan sura' nabi nakua Puang Allataala kumua,

Roma 2:29

Sibalikanna ia to to-Yahudi, to direken umma'-Na tongan Puang Allataala, iamo to to mangpenawa to-Yahudi tongan, na ia to sunna' tongan lanri ia penawa. Ia tee napugauk Roh Allataala, na tangnakulle atoran agama mpugaukki. Ia to tosusi joo kadipakala'biranna te'da napole jio mai tolino, apa pole jio mai Puang Allataala.

Roma 6:6

Taissenmo kumua ia to sipa' gaja'ta' mangkami dita'dei tontadipampang sola Almaseh jao kaju sitamben. Na ia ke susii joo, te'damo napukaunanki' kuasa dosa, nasaba' ia to tomatemo dila'paranmi jio mai kuasa dosa.

Roma 7:24

Aku'mo tau macilakanna! Indara ngkullei lla'paranna' jio mai kuasa dosa to la mbunona'?

2 Korintus 5:1

Nasaba' taissen kumua ia ke diro'pokanmi to bola ba'tu burukmi to batang kale to tanii mari'pih lan tee lino, la napasadianki' Puang Allataala jao suruga mesa' bola ba'tu batang kale baru te'da cappa'na, to tangngia panggaraga tolino.

2 Korintus 5:17

Ia to memmesa' penawamo sola Almaseh, menjaji tau barumo. Lanynya'mi to masainna, anna menjaji baru ngasanmo.

Galatia 2:20

Ia tee too moi angkutuo, tangngiamo aku' mputuoi, apa Almasehmo tuo lan kaleku'. Ia tee katuoanku' tee too, matappa'na' lako Anak Allataala to mangka mpakamoja'na', na mangka mpangkarobananna' kalena, sanga dosaku'.

Galatia 5:24

Na ia to taun-Na Puang Isa Almaseh mangkami naca'bean to kamadoangan gaja'na.

Efesus 4:22

Midiajahhi kumua la mipatorro to sipa' jolomi. Danggi' mituru' omo kamadoangan gaja'mi to mpalao sala kamu' ammimasolang.

Filipi 3:3

nasaba' kita'ra to disanga todisunna' tongan na kita' toora to ssompa Puang Allataala situru' pangpatujun-Na Roh Allataala. Kita'ra to masannang, nasaba' mesa' penawamiki' sola Puang Isa Almaseh, te'da na atoran agama tapattuan mpupenjaji tomeloki'.

Kolose 3:5

Iamo joo ca'beanni to sininna kamadoangan gaja'mi, susinna manggauk sala, panggaukan laen to tangsipato', nturu' bang pakkaeloran penawa, mangpanggaukan tangmelo na madoang nnassang sininna apa, nasaba' ia to tomangngassang dipapadai tossompa dewata.

Ibrani 9:11

Menjajimi Imang Lompo to Almaseh nabenki' kameloan susi to taperasaimo. Mentamami Tenda-Na Puang Allataala jao suruga. Mala'bih na te'da caccana joo Tenda-Na Puang Allataala, sanga tangngia panggaraga tolino, battuananna te'da napole jio mai tee lino.

Ibrani 9:24

Na ia to Almaseh te'da namentama tenda passompan panggaraga tolino to bajo-bajona Tenda-Na Puang Allataala jao suruga. Apa mentamai suruga namangngolo lako Puang Allataala. Jaoi tee too la mpangkadananki'.