Kolose 2:10 - Alkitab Duri

¹⁰ na te'da kakuranganmi, sanga ia to sipa'-Na sola kuasan-Na Puang Allataala miputawa too, nasaba' memmesa'mo kamu' sola Almaseh. Ia to Almaseh ngkuasai sininna tomakuasa ba'tu tomangparenta.

Kolose 2:10 ပူးပေါင်းရင်းမြစ်များ

Matius 28:18

Nakandoppi'mi to anak gurun-Na namangkada nakua, “Sininna kuasa la jao suruga, la lan lino, mangkamo diben lako Aku'.

Yahya 1:16

Liwa' Ia mpakamoja'ki', na te'da ka'tun-Na mbarakka'iki'.

1 Korintus 15:24

Mangkai joo too, Kiama'mi lino. Ia joo wattu la nataloi Almaseh to sininna kaparentan, kamakuasan, na sininna kamawatangan, namane' mpangben kakuasan-Na susi Raja lako Ambe'ta' Puang Allataala.

Efesus 3:10

Napugaukki Puang Allataala susi joo la mpapajanni to mangrupa-rupa kamaccan-Na sola kapaissenan-Na Puang Allataala lako mangrupa-rupa tomakuasa ba'tu tomangparenta jao langi' ke nakitai to tomatappa' menjaji susi mesa' kale.

Efesus 3:19

moi tangnadete' akkalanna tau la mpahangngi. Ia ke miperasaimi to pangpakamoja'-Na, ia to sipa'-Na Puang Allataala mipusipa' toomi.

Kolose 2:15

Nataloi Almaseh jao kaju sitamben to sininna tomakuasa ba'tu tomangparenta jao langi' anna te'damo nakullei mangpanggaukan. Napugaukki Puang Allataala susi joo nanii mpakasiri'i to tomakuasa ba'tu tomangparenta jao langi' anna pasusii to toditalo lumingka jio boko'-Na Almaseh na jolo to Almaseh susi topatalo.

Kolose 3:11

Iamo joo te'damo nadipasilaenan to umma'-Na Almaseh. Te'damo nadipasilaenan to-Yunani na to-Yahudi, todisunna' na totangdisunna', bangsa laen na bangsa to tangmessipa', kaunan na tangkaunan, nasaba' pada bang unaki' dipupenjaji tau baru. Almasehra to kaminang parallu na Iamo torro lan kita' sola ngasan.

Ibrani 5:9

Susimi joo nadipupenjaji Tomangpasalama' te'da caccana ba'tu kakuranganna to mben katuoan melo te'da cappa'na lako tomengkaturu' lako Ia.

1 Petrus 3:22

Na endekmi de' suruga, nacumadokko jio sa'de kanan-Na Puang Allataala namangparenta sola, mparenta sininna malaeka', sininna tomakuasa na tomangparenta to wa'ding ngkuasai tolino.