Kolose 1:9 - Alkitab Duri

⁹ Iamo joo tongkisa'dingngi to apa jaji lako kalemi, kipassambajangan tarruh kamu' lako Puang Allataala, kumua ammisannissen-nissennai to pakkaeloran-Na ammiampa' tooi to sininna kapaissenan to pole jio mai Roh Allataala.

Kolose 1:9 ပူးပေါင်းရင်းမြစ်များ

Yahya 7:17

Ia ke den tau madoang nturu' pakkaeloran-Na Puang Allataala, la naissen kumua pole umbora tee pangngajaran-Ku'. La naissen kumua pole jioraka mai Puang Allataala, iarika pangngajaran-Ku' Aku'.

Jamanna Rasulu' 12:5

Jaji dipallan bangpi pangtarungkuan to Petrus. Apa napassambajangan tarruh jamaa lako Puang.

Roma 12:2

Danggi' mikaturu'-turu' bang lako tote'da naissen Puang Allataala. Ake'mo ia na Puang pemeloii to penawammi, ammiwa'ding nnissenni to pakkaeloran-Na, apa to melo na sukku', na apa to nakabudai Puang Allataala.

1 Korintus 1:5

Iamo joo miampui buda apa. Susinna mipahang to apa masussa dipahang, na macca kamu' mpangpangngajaranni lako tau.

Efesus 1:8

Napugaukki Puang Allataala susi joo, nasaba' liwa'ki' napakamoja'. Liwa' mandalan tangngah namacca to Puang Allataala!

Efesus 5:10

Pengkulle-kulleii nnissenni apara nakabudai Puang ammipugaukki.

Efesus 5:17

Danggi' messipa' susi tobango', apa la miissen to pakkaeloran-Na Puang.

Efesus 6:6

Danggi' na ia manda ke nakita kamu' mipemasannangngii to penawanna, apa susi mesa' kaunan-Na Almaseh kumua, la masumanga' kamu' mpugauk pakkaeloran-Na Puang Allataala.

Filipi 1:4

na masannangna' tongkupassambajangan kamu'.

Kolose 1:6

to nasa'dingmo tau lan lili'na lino, na mpaden barakka' lako tau. Susi toomo kamu' nabarakka'i sipamulanna misa'ding, ammiperasai tonganni to kameloan penawan-Na Puang Allataala.

Kolose 3:16

La mipallan penawa tarruhhi to pangngajaran-Na Almaseh ammituru'i. La da'tan bang kamu' siajaran misipakainga' too mpake sininna kapaissenanmi. La macanning atimmi mangkurru sumanga' lako Puang Allataala mimakkelong Zabur, kelong pangpujian ba'tu kelong laen.

Kolose 4:12

Sallangna Epafras mati', mesa' to-Kolose, pangjama-Na Puang Isa Almaseh. Te'da napajaii mpellao doangan kamu' sola ngasan, dikua ammisamawatang-watangnamo susi mesa' tomasaranian, ammituli nturu'i to pakkaeloran-Na Puang Allataala.

Kolose 4:5

La macca kamu' ke sola kamu' totangnturu' Puang. Na la mipake to wattu diben kamu' mpangpeissenanni to karebanna Almaseh umbo-umbo minii.

1 Tesalonika 1:3

Mangkurru sumanga'kan sanga kiingaran tarruhhi jio olo-Na Ambe'ta' Puang Allataala to panggaukan melo mipugauk nasaba' kamatapparanmi. Kiingaran too to pangtulungmi lako padammi rupa tau nasaba' pangpakamoja'mi. Kiingaran kumua da'tan kamu' mawatang nnoloi mangrupa-rupa pecoba nasaba' mangrannuan kamu' lako Puangta' Puang Isa Almaseh.

1 Tesalonika 5:17

Mituli massambajang.

2 Tesalonika 1:11

Napileimo kamu' Puangta' Puang Allataala menjaji umma'-Na. Iamo joo kituli mpassambajangan kamu' dennaa upa' napupenjaji kamu' tosipato' disanga umma'-Na. Kipeta'da too kumua na kuasan-Na ammisamadoang-doangna mpugauk sininna panggaukan melo ammikullei mmangkaii sininna jamanmi to mijama nasaba' kamatapparanmi.

Filemon 1:4

Ia angkumassambajang tuli kupassambajanganko, mangkurru sumanga'na' lako Puang Allataala sanga iko,

Filemon 1:6

Massambajangna' kumua ammuissen tonganni to sininna barakka' pole jio mai Almaseh, sanga pada matappa'ki'.

Ibrani 10:36

Parallu kamu' sabbara', ammikullei mpugaukki to pakkaeloran-Na Puang Allataala. Ia ke susii joo la mitarimai to apa nabassean kamu'.

Ibrani 13:21

dennaa upa' na Puang Allataalamora mpasadian kamu' sininna to melona, la mpugauk pakkaeloran-Na. Dennaa upa' anna Puang Allataala toomora mpupenjajiki' to napumasannang, sanga Puang Isa Almaseh. La mpakala'bih tarruhki' Almaseh te'da cappa'na. Amin.

Yakub 1:5

Ia ke den kamu' tangpadete' tangngahmi, la meta'da kamu' lako Puang Allataala nabenni kamu', sanga malaboh na masannang penawan-Na mangpabengan lako sininna tau.

Yakub 3:17

Apa ia to tonnampa' kamaccan pole jao mai, melo te'da caccana, sitarruhna sikabudan tau, mabassa, mangpasipatu, mangkamase, na tuli mpugauk kameloan, te'da narempe' sangbali na te'da too namajekkong.

1 Petrus 2:15

Nasaba' pakkaeloran-Na Puang Allataala, na ia to panggaukan melomi la ntampun timunna to totangnnissenpa Puang mpau gaja' kamu'.

1 Petrus 4:2

Jaji, ia mituo unapa lan tee lino la nturu' kamu' pakkaeloran-Na Puang Allataala, danggi' mituru' pakkaeloran penawammi.

1 Yahya 2:17

Ia to lino sola issinna to takadoangngi la lanynya' ngasan. Apa ia to tompugauk pakkaeloran-Na Puang Allataala la tuo melo te'da cappa'na.

1 Yahya 5:20

Taissenmo kumua mangkamo mentolino to Anak Allataala na mangka toomo mbenki' kapaissenan, antawa'ding nnissenni indara to Puang tongan. Mesa' penawamiki' sola Puang Allataala tongan, sanga mesa' penawamiki' sola Anak Allataala, Puang Isa Almaseh. Iamo Puang Allataala tongan, to mpangben katuoan melo te'da cappa'na.