Kolose 1:28 - Alkitab Duri

²⁸ Karebannamora Almaseh to kipangpeissenan lako sininna tau. Kipake sininna kapaissenanki' mpakainga' sola nnajahhii, dikua anna mesa'-mesa' tau wa'ding kipangngolo lako Puang Allataala susi to tomasaranian, sanga memmesa'mi sola Almaseh.

Kolose 1:28 ပူးပေါင်းရင်းမြစ်များ

Kada Bulawan 8:5

Ee kamu' to tangmapahangpa, pangngattaii mangngakkalan melo, na kamu' to battuk, melajah kamu' mapahang.

Matius 28:20

Ajahhii anna pugaukki sininna to apa mangka kuparentan kamu'! Ingaranni kumua, la kusolan tarruh kamu' ratu lako tampakkana lino.”

Matius 3:7

Apa ia tonna kitai kumua buda to-Farisi sola to-Saduki ratu kumua nadijio' toda, mangkadami nakua, “Ee, kamu' bati' ulah balu! Te'da mikullei mpalaian kalemi jio mai pangcalla-Na Puang Allataala to la ratu!

Matius 5:48

Ia to Ambe'mi Puang Allataala jao suruga mpakamoja' sininna tolino. Iamo joo la susi toda mipugauk.”

Markus 6:34

Ia tonna mellaomo Puang Isa jao mai lopi, nakitami joo tobuda, anna masse penawan-Na, sanga susi bangmira bembala' to te'damo tomangrewana. Napamulami Puang Isa nnajahhii mangrupa-rupa pangpangngajah.

Lukas 21:15

Aku' kalena la mben kamu' kapaissenan umbo mikua la mebali, anna te'da nakullei ewalimmi mbalii iarika mpasalai apa to mipau.

Jamanna Rasulu' 10:36

Ia tee kareba napangpeissenan Puang Allataala lako kami' to-Yahudi kumua ia to tolino wa'ding sikalino pole' sola Puang Allataala ke matappa'i lako Puang Isa Almaseh, nasaba' iamo Puangna sininna tau.

Jamanna Rasulu' 11:20

Apa den ba'tu pira-pira to tomatappa' pole jio mai pulau Siprus na kota Kirene ratu lako kota Antiokhia, na mpangpeissenan too Kareba Kasalamatan lako to-Yunani kumua Puangngi to Isa.

Jamanna Rasulu' 13:38

Ee todipusile'to! Parallu miissen kumua nadampangan kamu' Puang Allataala, nasaba' apa to napugauk Puang Isa. Ia to atoranna Nabi Musa te'da nakullei mpupenjaji tomelo kamu',

Jamanna Rasulu' 17:18

Sihakiki tooi sola guru to nturu' pangngajaranna Epikuros na Stoa. Denni to mangkada nakua, “Apara la naissen tee tau! Sangkanuku malotongra to paissenna, apa buda kadari!” Ba'tu pira-pira tolaen nakua, “Susi ia to mpangpeissenan dewata jio mai tondok laen.” Ia namangkada susi joo, nasaba' ia to Puang Isa na katuoanna pole' tolino jio mai kamatean napangpeissenan Paulus.

Jamanna Rasulu' 17:3

Naajahhii napabuttian tooi mpake Sura' Allataala, kumua ia to Raja Mangpasalama' to napau Sura' Allataala, la mate Ia, natuo pole' jio mai kamatean. Nakuapa Paulus, “Raja Mangpasalama' to Puang Isa kupangpeissenan lako kamu'.”

Jamanna Rasulu' 20:31

Iamo joo majaga melo kamu'! La miingaran tee kumua tallung taunna' mangwai mata, te'da kutorroi nnajahhi simesa'-mesa' kamu' allo-bongi.

Jamanna Rasulu' 3:20

ammiperasai kamasannangan. La nasua Puang Allataala to Puang Isa, to pura napileimo tonna anu', ratu lako kamu', menjaji Raja Mangpasalama'mi.

Jamanna Rasulu' 5:42

Allo-allo te'da ka'tunna mangngajahhi, la lan Bola Puang Allataala, la lan bolana tau, napangpeissenanni to Kareba Kasalamatan kumua Raja Mangpasalama' to Puang Isa to pura dipau tonna anu'.

Jamanna Rasulu' 8:35

Mangpamulami Filipus mangkada, mpauanni karebanna Puang Isa mammula lan mai joo aya'.

Jamanna Rasulu' 8:5

Ia to Filipus male lakoi mesa' kota jio tana Samaria, mpangpeissenanni lako to tau jio, kumua Raja Mangpasalama' to Puang Isa, to pura napau Puang Allataala.

Jamanna Rasulu' 9:20

Tarruh bang unami llelei bola passambajangan to-Yahudi mpangpeissenanni kumua Anak Allataala to Puang Isa.

Roma 16:25

Pakala'bihhi to Puang Allataala! Iamo to kuasan-Na mpamawatang kamatapparanmi situru' Kareba Kasalamatan jio mai Puang Isa Almaseh to kupangpeissenan. Ia tee Kareba te'da naissenni tau tempon jio mai dipadenna lino,

1 Korintus 1:23

Ia to kita' mpangpeissenan mandaki' Almaseh to mate dipampang jao kaju sitamben. Cia' lalo to to-Yahudi ntarimai joo kareba na ia to bangsa tangngia to-Yahudi nasangari curita tangtongan.

1 Korintus 1:30

Menjajimo kamu' umma'-Na Puang Isa Almaseh, nasaba' Puang Allataalara. Iamo ssua Puang Isa la mpasalama' kamu', napupenjaji kamu' tomacca, tomelo, napatorro leko' kamu' jio mai to totangnturu' Puang, nala'bak kamu' jio mai kuasa dosa.

1 Korintus 12:8

Den tau naben barakka' kamatongkoan mangkada, na den too to tau naben barakka' kamaccan mpamanassai to kadan-Na Puang Allataala. Mesa'ra Roh Allataala to mbenni.

1 Korintus 15:12

Ia ke kipangpeissenanmi kumua dipatuo pole'mi to Almaseh jio mai kamatean-Na, matumbai naden tau lan tangnga-tangngami kumua, te'damo naladipatuo pole' to tomate?

1 Korintus 2:15

Ia to tonnampui Roh Allataala wa'ding mpahangngi to sininna apa, apa ia to te'da naampui Roh Allataala te'da nakullei mpahang issi penawanna to tonnampui Roh Allataala.

1 Korintus 2:6

Moi nasusi joo, mpakekan kapaissenanki' ke sipangkadamokan to masaranianmo. Na ia joo kapaissenanki' tangngia kapaissenan naajarankan tolino ba'tu kapaissenan to naampui to tongkuasaii tee lino, sanga la lanynya' joo tongkuasaii.

1 Korintus 4:14

Ia tee kuukiran kamu', te'dara kukua ammimasiri', apa kupangngingaranra kamu' susi anak jajianku'.

2 Korintus 10:14

Jaji, te'da kiliwannii to tondok disuankan njamai ke kisangai kumua lan kamu' to tondok dipattantuanmokan, sanga jolomokan mpangpeissenan karebanna Almaseh lako kamu'.

2 Korintus 11:2

Masussana' mpikkiri' kamu' susi masussanna Puang Allataala. Susi kamu' ana'dara, na aku'mo to nnatoro'i to kasitangkasanmi sola mesa' muane, iamo to Almaseh. Na madoangna' mbawa kamu' lako Almaseh susi mesa' baine to te'dapa nalambanni muane.

2 Korintus 4:5

Tangngia kaleki' tee kipangpekareban, apa karebanna Puang Isa Almaseh kumua Iamo Puang, na kami'mo kaunanmi situru' pakkaeloran-Na Puang Isa.

Efesus 3:8

Aku'mo mase-masena to sininna umma'-Na Puang Allataala, apa napabarakkannina' Puang Allataala tee jaman mpangpeissenan Kareba Kasalamatan lako bangsa tangngia to-Yahudi kumua ia to barakka'-Na Almaseh te'da susinna.

Efesus 5:27

Napugaukki susi joo anna te'da salana, kakuranganna, ba'tu cacca laenna to tomatappa', apa melo, mala'bih na sipato' ke'deh jio sa'dena Almaseh susi tobotting baine ke'deh jio sa'dena tobotting muane.

Kolose 2:10

na te'da kakuranganmi, sanga ia to sipa'-Na sola kuasan-Na Puang Allataala miputawa too, nasaba' memmesa'mo kamu' sola Almaseh. Ia to Almaseh ngkuasai sininna tomakuasa ba'tu tomangparenta.

Kolose 2:3

Nasaba' Almasehra mpamanassai to sininna kapaissenan-Na sola kamaccan-Na Puang Allataala.

Kolose 3:16

La mipallan penawa tarruhhi to pangngajaran-Na Almaseh ammituru'i. La da'tan bang kamu' siajaran misipakainga' too mpake sininna kapaissenanmi. La macanning atimmi mangkurru sumanga' lako Puang Allataala mimakkelong Zabur, kelong pangpujian ba'tu kelong laen.

Kolose 4:12

Sallangna Epafras mati', mesa' to-Kolose, pangjama-Na Puang Isa Almaseh. Te'da napajaii mpellao doangan kamu' sola ngasan, dikua ammisamawatang-watangnamo susi mesa' tomasaranian, ammituli nturu'i to pakkaeloran-Na Puang Allataala.

1 Tesalonika 4:6

Jaji, la lako baine, la lako muane kupakainga' kamu', danggi' mangpanggaukan sala. Danggi' mikalasii padammi tomatappa'. Mangkamo kamu' kupakainga' rampa' kumua ia to tompugaukki susi joo la nasessa Puang.

1 Timotius 3:16

Te'da mesa' tau tanglantongananni kumua liwa' ia mala'bihna to pangngajaran kasaranian, to tangkaissenanpa tonna anu', apa ia tee too napangpeissenanmo Puang Allataala. Susi tee joo pangngajaran kasaranian, “Mentolinomo Puang Isa Almaseh. Napabuttii Roh Allataala kumua Iamo napusannang Puang Allataala. Nakita sininna malaeka', napangpeissenanni tau lako sininna bangsa. Nakatappa'i tolino, naangka'i Puang Allataala tama suruga.”

1 Timotius 3:2

Ia to tonnatoro' jamaa parallu tomakassing. La mesa'ra bainena, to nta'tan kalena, tomandalan tangngah, messipa' melo. La masannang ke den tau lleppangngii, macca mangngajahhi,

Ibrani 10:14

Jaji, mesa'ra karoba nanii Almaseh ndampangan tau to dipupenjaji tomelo te'da cappa'na.

Ibrani 13:21

dennaa upa' na Puang Allataalamora mpasadian kamu' sininna to melona, la mpugauk pakkaeloran-Na. Dennaa upa' anna Puang Allataala toomora mpupenjajiki' to napumasannang, sanga Puang Isa Almaseh. La mpakala'bih tarruhki' Almaseh te'da cappa'na. Amin.

2 Petrus 3:15

Sangami kumua ia to kasabbarasan-Na Puangta', iamo mesa' wattu la nanii mpasalama' kamu'. Mangka toomo Paulus, padanta' tomatappa' to tapakamoja', mpamanassai joo lan sura'na to nakiringan kamu', situru' to kapaissenan nabenni Puang Allataala.