Kolose 1:19 - Alkitab Duri

¹⁹ Napuelohhi Puang Allataala kumua sininna to apa den jio kalena, den toda jio Anak.

Kolose 1:19 ပူးပေါင်းရင်းမြစ်များ

Lukas 10:21

Ia joo wattu mario tongan to Puang Isa, nasaba' nakuasaii Roh Allataala, nakua, “Oo Ambe', Puangna langi' sola lino! Mangkurru sumanga'na' lako Ambe', nasaba' ia ngasan joo tabunianan lako tomandalan pahangna sola tomacca, tapangpeissenanmo lako totangpaissen. Oo Ambe', iamo tapumasannang.”

Yahya 1:16

Liwa' Ia mpakamoja'ki', na te'da ka'tun-Na mbarakka'iki'.

Yahya 3:34

nasaba' Puang Isa nasua Puang Allataala mpangpeissenan kadan-Na, napangben pissenmo Puang Allataala to Roh Allataala lako Puang Isa.

1 Korintus 1:21

Sanga moi samatumbanna macca to tolino, te'da nakullei nnissen Puang Allataala mpake kamacanna. Apa macca to Puang Allataala. Iamo joo naeloranni dipangpeissenan to Kareba Kasalamatan, to nasanga tolino curita tangtongan, anna pasalama'i to tongkatappa'ii.

Efesus 1:23

na ia to tomatappa' susi batang kale-Na. Ia to tomatappa' mpasukku' Almaseh na ia to Almaseh mpasukku'i to sininna apa.

Efesus 1:3

Pakala'bihhi Puang Allataala, Ambe'-Na Puangta' Puang Isa Almaseh! Iamo mangka mbenki' sininna barakka' jao mai suruga, nasaba' memmesa'miki' sola Almaseh.

Efesus 1:5

Ia joo wattu napattantu jolomiki' Puang Allataala kumua la diangka'ki' menjaji anakka-Na situru' pakkaeloran-Na nasaba' Puang Isa Almaseh. Iamo nanii pajan to pangpakamoja'-Na.

Efesus 4:10

Jaji, Ia to Almaseh to mangka mellao, Ia toomo mangka endek de' ngenan majaoannapa na langi', kumua napasukku'i to sininna apa lan lino.

Kolose 2:3

Nasaba' Almasehra mpamanassai to sininna kapaissenan-Na sola kamaccan-Na Puang Allataala.

Kolose 2:9

La mikanassai kumua, sininna to apa den jio Puang Allataala, den toda jio Almaseh,

Kolose 3:11

Iamo joo te'damo nadipasilaenan to umma'-Na Almaseh. Te'damo nadipasilaenan to-Yunani na to-Yahudi, todisunna' na totangdisunna', bangsa laen na bangsa to tangmessipa', kaunan na tangkaunan, nasaba' pada bang unaki' dipupenjaji tau baru. Almasehra to kaminang parallu na Iamo torro lan kita' sola ngasan.