Kolose 1:18 - Alkitab Duri

¹⁸ Almaseh toomo kapalana sininna tomatappa' to dipasangrapang batang kale-Na. Iamo Anak Tungga' to bungah dipatuo pole' jio mai kamatean, dikua namenjaji kaminang matande jio mai to apa den.

Kolose 1:18 ပူးပေါင်းရင်းမြစ်များ

Matius 23:8

Danggi' mimadoang disanga ‘Guru’, nasaba' tosile'to ngasan kamu' na mesa'ra Gurummi.

Matius 28:18

Nakandoppi'mi to anak gurun-Na namangkada nakua, “Sininna kuasa la jao suruga, la lan lino, mangkamo diben lako Aku'.

Yahya 1:1

Mammula jiona mai tonna te'dapa napadenni Puang Allataala tee lino, denmo todisanga Kada. Ia joo Kada solai Puang Allataala, na ia joo Kada, Ia bang una Puang Allataala.

Yahya 1:16

Liwa' Ia mpakamoja'ki', na te'da ka'tun-Na mbarakka'iki'.

Yahya 1:27

Iamo ratu ke mangkana'. Apa moi mbukai ulang sapatun-Na te'da too kusipato'.”

Jamanna Rasulu' 26:23

kumua, ‘Ia to Raja Mangpasalama' nabasse Puang Allataala, la dipakario-rio, apa iamo jolona la tuo pole' jio mai kamatean, dikua anna mbawa arrang, iamo to Kareba Kasalamatan, la lako to-Yahudi la lako bangsa laen.’ ”

Roma 8:29

Na ia to tonaissenmo, pura napattantumo la menjaji sangrupa Puang Isa Almaseh, Anak Allataala, dikua na Almaseh menjaji pamungah jio mai sininna sile'to tomatappa'.

1 Korintus 11:3

Madoangna' ke miissenpi tee to kumua, Almaseh to ngkapalai muane, na muane ngkapalai baine, na ia to ngkapalai Almaseh Puang Allataala.

1 Korintus 12:27

Ee, tomala'bihku' sola ngasan! Batang kale-Nai Almaseh to tomatappa', na ia to tomatappa' pada lesoan-Nai joo batang kale-Na Almaseh.

1 Korintus 15:25

Nasaba' la mangparentai to Almaseh sanapangbenna Puang Allataala to sininna ewalin-Na nakuasaii.

Efesus 1:10

Ia to akkatta-Na kumua sininna apa la jao suruga, la lanna lino, la menjaji mesa' na Almaseh menjaji kapalana. La napugaukki Puang Allataala joo ke nadete'mi wattunna.

Efesus 5:23

Nasaba' muane ngkapalai baine, susi Almaseh ngkapalai jamaa. Na Ia toomo mpasalama' tomatappa' to dipasangrapang batang kale-Na.

Kolose 1:24

Ia to tomatappa' lako Almaseh wa'ding dipasangrapang batang kale-Na. Jaji, maparri' to batang kaleku' tee too susi Almaseh maparri' tonna anu', nasaba' jamanku' mbalii to tomatappa'. Iamo joo kumasannang, ke maparri'na' sanga kubalii kamu'. Na ia tee kamaparrisanku' la ngganna'i sininna kamaparrisan to la naperasai tomatappa' lako Almaseh.

Kolose 2:19

anna te'da naturu' Almaseh to disanga ulu. Ia to tomatappa' wa'ding dipasangrapang mangrupa-rupa lesoan batang kale-Na Almaseh na ia to Almaseh dipasangrapang ulunna joo kale. Jaji, ia to Almaseh nnampai joo kale anna te'da natiseran anna saloboh-lobohna situru' pakkaeloran-Na Puang Allataala.

1 Yahya 1:1

Ia to issinna tee sura', iamo Kada to mangpatuo. Ia joo Kada mangpatuo denmo mammula jiona mai na mangkamo kisa'ding, na kikitamo, na kitoe toomo.

Pengkitanna Yahya 1:18

Aku'mo to tuo! Mangkamo' mate, apa tuo pole'mo' te'da cappa'na. Ngkuasaina' kamatean sola lino tomate.

Pengkitanna Yahya 1:5

Ia to Puang Isa sa'bi maruruh. Iamo bungah dipatuo jio mai kamatean. Ia toomo ngkuasai sininna raja lan lino. Napakamoja'ki' namate anna la'paranmiki' jio mai dosata'.

Pengkitanna Yahya 1:8

Nakua Puang Allataala, “Aku'mo pamulanna, Aku' toomo cappa'na.” Tomakuasa to Puang Allataala, to den tee too, denmo tonna jolona, na den tarruh too.

Pengkitanna Yahya 11:15

Mangkai joo too ia to malaeka' mangpempitu mpannoni tarompe'na, naden gamara liwa' tonggo disa'ding jao suruga nakua, “Mammula tee too ia to lino menjajimi kadatuan-Na Puangta' Puang Allataala sola Raja Mangpasalama' to mangkamo napilei la mangparenta te'da cappa'na.”

Pengkitanna Yahya 21:6

Anna mangkada nakua, “Mangkami. Aku'mo pamulanna, Aku' toomo cappa'na. Aku'mo Puang mellao jiona mai ratu lako cappa'na. Ia to tomawakke la kupaiso' wai jiong mai kalimbuah mangpatuo.

Pengkitanna Yahya 22:13

Aku'mo pamulanna, Aku' toomo cappa'na. Aku'mo Puang mellao jiona mai ratu lako cappa'na.”

Pengkitanna Yahya 3:14

Nasuana' nakua, “Uki'i susi tee lako malaeka'na jamaa jio kota Laodikia: Ia tee pepasan pole jio mai Aku' to disanga Amin, todikatappa'i, sa'bi maruruh na tongan, garonto'na sininna to apa napaden Puang Allataala.