Kolose 1:11 - Alkitab Duri

¹¹ natuli mpamawatang kamu' kuasa mala'bih-Na, ammisabbara' mimario bang moi maparri' kamu',

Kolose 1:11 ပူးပေါင်းရင်းမြစ်များ

Kada Bulawan 24:10

Ia ke ka'tu rannuko ke mperasaiko parri', battuananna tomalammako.

Jamanna Rasulu' 1:8

Apa la diben kamu' kuasa ke diparatuimo kamu' Roh Allataala, ammilampangpeissenanna' la jio kota Yerusalem, la lan lili'na tana Yudea na Samaria, ratu lako randan langi'.”

Jamanna Rasulu' 5:41

Masannang to rasulu' messun lan mai joo kasirempunan Pangbicara Agama, sanga narekenmo Puang Allataala sipato' dipakario-rio, nasaba' kamatapparanna lako Puang Isa.

Roma 2:7

Ia to toda'tan bang mpugauk kameloan, nakua anna nnampa' kamala'biran, kadipujian na katangmasolangan, la naben Puang Allataala katuoan melo te'da cappa'na.

1 Korintus 16:13

La majaga kamu', mituru' tarruhhi to pangngajaran tongan. Barani kamu' mipamawatang tooi to kamatapparanmi.

2 Korintus 4:7

Apa ia tee ewanan, iamo to arrang kamala'biran-Na Puang Allataala, dianna lan batang kaleki' to te'da nakeangga', sanga susikan busu digaraga jio mai litak. Susimi joo, napajan kumua ia to kuasa mala'bih pole jiora mai Puang Allataala, te'da napole jio mai kaleki'.

Efesus 3:16

Massambajangna' lako Puang Allataala, to kaminang mala'bih, anna pamawatang kamu' Roh Allataala.

Efesus 4:2

Danggi' mimatampo, sipangkada rampa' kamu', sisabbarasan kamu' ammisipakamoja' too.

Efesus 6:10

Na mangkatampakanna, eloranni to kuasan-Na Puang mpamawatang kamu', nasaba' memmesa' penawamo kamu' sola Ia.

Filipi 4:13

Kukulle to sininna apa, sanga Puang Isa Almaseh mbenna' kapakullean.

2 Petrus 1:6

Na te'da na ia manda joo kapaissenan miangah, apa la mipengkulle-kullei too ngkuasai kalemi. Na te'da na ia manda joo, apa la mawatang kamu' nnoloi kamaparrisan sola nturu' pakkaeloran-Na Puang Allataala.

Yudas 1:25

Ia manda mesa-mesanna Puang Allataala, to mpasalama'ki' nasaba' kamatean-Na Puangta' Puang Isa Almaseh. Iamo Puang Allataala to mala'bih, matongko, mawatang na makuasa mammula jiona mai, tee too, na te'da cappa'na! Amin.

Pengkitanna Yahya 14:12

Jaji la sabbara' to umma'-Na Puang Allataala. Iamo to tonturu' pakkaeloran-Na Puang Allataala, namatappa' lako Puang Isa.