Kolose 1:10 - Alkitab Duri

¹⁰ Ianna susimo joo, ia to sipa'mi la situru' pakkaeloran-Na Puang Allataala anna pumasannangngi penawan-Na. Susinna, mipugaukki to mangrupa-rupa kameloan, misannissen-nissennai to Puang Allataala,

Kolose 1:10 ပူးပေါင်းရင်းမြစ်များ

Kada Bulawan 16:7

Ia ke napumasannangngi penawan-Na Puang Allataala to panggaukanmu, moi ewamu Napasisoba'moko.

Daniel 12:4

Mangkada omi joo malaeka' mangrupa tau nakua, ‘Ee Daniel, anna meloi tee sura', mutatta' njagaii ratu lako Kama'na lino. Buda tau male lako male jio mai madoang nnissenni, dikua nakerangngan to kapaissenanna.’

Yahya 15:16

Tangngia kamu' mpileina', apa Aku'ri mpilei kamu', angkusua kamu' male ammimembua buda, to bua te'da nalamasolang. Na ia to apa mipeta'da lako Ambe' mpau sangang-Ku', la naben kamu'.

Yahya 15:8

Na ia ke membua budamo kamu', iamo dinii mpakala'bih Ambe'-Ku'. Pajan toomi kumua kamu'mo to ntongan-tongannii nturu'na'.

Yahya 17:3

Iamo tee to katuoan melo te'da cappa'na, ke naissen tonganmiki' tau kumua Kita'mo Puang Allataala tongan, anna issen toona' kumua Aku'mo Puang Isa Almaseh to mangka tasua.

Roma 1:13

Ee todipusile'to, parallu miissen kumua pembudamo' madoang male mati' la ssitammuan kamu', apa tuli den bang halangan. Madoangna' kumua na ia to jamanku' lako kalemi den assele'na. Susi to keassele'mo lako bangsa tangngia to-Yahudi jio kota laen.

Roma 4:12

Susi too lako todisunna', napuambe' too to Nabi Ibrahim, ke matappa' tooi lako Puang Allataala susi kamatapparanna Nabi Ibrahim tonna te'dapa nadisunna'.

2 Korintus 2:14

Apa kurru sumanga' lako Puang Allataala to tuli ssolankan nabenkan kapataloan, nasaba' memmesa' penawakan sola Almaseh! Napakekan Puang Allataala mpangpeissenanni to karebanna Almaseh, anna kaissenan susi bau bunangngu' silele to padang la umbo-umbo kinii.

2 Korintus 4:6

Ia tonna padenni Puang Allataala tee lino mangkadai nakua, “La ollong to arrang lan kamalillinan.” Ia toomo nnarrangngii to penawanta', antakullei nnissenni to kamala'biran-Na Puang Allataala to mangngarrang jio lindo-Na Almaseh.

2 Korintus 5:9

Tapengkulle-kullei mpemasannangngi Puang, la lanpiki' tee batang kaleta', la jaomiki' suruga sola.

2 Korintus 9:8

Makuasa Puang Allataala llokkon sininna barakka'-Na, ammituli nnampuii to sininna apa miparallui. Na ia ke susii joo, sadiamo kamu' mpugauk mangrupa-rupa kameloan, ntulung tokakurangan.

Efesus 1:17

Kupassambajangan kamu' lako Puang Allataala, Ambe' mala'bih, Puang-Na Puangta' Puang Isa Almaseh, anna ia to Roh Allataala mben kamu' kapaissenan, ammiwa'ding nnissen tonganni to Puang Allataala.

Efesus 2:10

Tangsipato'ki' susi joo, sanga Puang Allataalara mbenki' katuoan baru, nasaba' memmesa'miki' sola Puang Isa Almaseh. Nabenmiki' katuoan baru antapugauk kameloan, to napasadia jolomo la tapugauk.

Efesus 4:1

Ia tee aku', to ditarungku nasaba' mpangjamanna' Puang, meta'dana' lako kamu' kumua ia to sipa'mi la sipato' susi sipa'na umma'-Na Puang Allataala, nasaba' mangkamo kamu' dipilei menjaji umma'-Na.

Efesus 4:13

Ia ke susimi joo, memmesa' penawamiki', nasaba' pada matappa'miki' lako Anak Allataala na pada tapahangngi kumua indara Ia. Tomasaranianki' na samasai-sainna arannai sukku'ki' susi Almaseh.

Efesus 5:10

Pengkulle-kulleii nnissenni apara nakabudai Puang ammipugaukki.

Efesus 5:15

Iamo joo mangngingaran melo kamu', danggi' mimessipa' susi tobango', apa la messipa' susira kamu' tomasaranian.

Efesus 5:2

La sikamasean kamu' susi Almaseh ngkamaseiki', iamo na mpangkaroban kalena la mpasalama'ki'. Ia joo kamatean-Na susi karoba bunangngu' to napumasannang Puang Allataala.

Filipi 1:11

na melo tarruh sipa'mi, nasaba' Puang Isa Almaseh, anna dipakala'bih to Puang Allataala.

Filipi 1:27

Samari ia to kumua la mituru' tarruh bang to pangngajaran-Na Almaseh. Na moi malena' mati' ba'tu tangmalena' mati', da'tan bang kusa'ding to karebammi kumua mesa' penawa kamu', mipada-pada mpengkulleii anna buda tau matappa' lako Kareba Kasalamatan,

Filipi 4:18

Kutarima ngasanmo, na la'bih budamo na ia to kuparalluinna. Kala'bianmo', tongkutarimami jio mai Epafroditus to apa mipangben. Ia to pangpabenganmi susi karoba bunangngu', to napumasannang Puang Allataala.

Kolose 2:19

anna te'da naturu' Almaseh to disanga ulu. Ia to tomatappa' wa'ding dipasangrapang mangrupa-rupa lesoan batang kale-Na Almaseh na ia to Almaseh dipasangrapang ulunna joo kale. Jaji, ia to Almaseh nnampai joo kale anna te'da natiseran anna saloboh-lobohna situru' pakkaeloran-Na Puang Allataala.

Kolose 2:6

Mitarimamo to Puang Isa Almaseh kumua iamo Puangmi. Iamo joo ia to panggaukanmi la situru' panggaukanna to tompupuangngi to Almaseh.

Kolose 3:20

Ee, kamu' to anak! La tuli mangpesa'ding kamu' lako tomatuammi, nasaba' iamo nakabudai Puang Allataala.

Kolose 4:5

La macca kamu' ke sola kamu' totangnturu' Puang. Na la mipake to wattu diben kamu' mpangpeissenanni to karebanna Almaseh umbo-umbo minii.

1 Tesalonika 2:12

Kipangngingaran kamu', kipamasumanga' kamu', angkimeta'da lako kalemi na ia to panggaukanmi la susi sipato'na umma'-Na Puang Allataala. Nasaba' Puang Allataalamo mpilei kamu' menjaji umma'-Na lan kaparentan-Na ammiwa'ding mperasai kamala'biran-Na.

1 Tesalonika 4:1

Ee, tomala'bihku' sola ngasan! Mangkamo kamu' kiajahhi matumba sipa'mi anna pusannangngi Puang Allataala. Tongan kumua tuomo kamu' susi joo. Apa ia tee too, kipangngingaran kamu' mpau sangan-Na Puang Isa, ammila'bih mpengkulle-kulleipi tuo susi joo.

2 Timotius 2:4

Ia to mesa' surudadu male parari te'da naurusu'i to laenna, nasaba' madoangri mpugaukki to apa la napumasannang komandanna.

Titus 3:1

Pangngingaranni sininna to tomatappa' iti', namenturu' lako to ambe' lan tondok na tomangparenta, anna danggi' nabali-balii. La sadia bang mpugauk panggaukan melo,

Titus 3:14

Makassing ke sininna solata' tomatappa' melajah mpugaukki to apa melo anna angahhi to naparalluinna, danggi' natuo te'da bua'na.

Ibrani 11:5

Te'da namate to Henokh, apa diangka'i de' suruga lako Puang Allataala, sanga matappa'i. Jaji, moi mesa' tau te'damo nnampa'i, sanga mangkami naangka' Puang Allataala. Diuki' lan Sura' Allataala kumua, ia tonna te'dapa nadiangka' to Henokh napumasannang Puang Allataala.

Ibrani 13:16

Danggi' mitangnningaranni mpugauk kameloan nasitulung, sanga iamo karoba napumasannang Puang Allataala.

Ibrani 13:21

dennaa upa' na Puang Allataalamora mpasadian kamu' sininna to melona, la mpugauk pakkaeloran-Na. Dennaa upa' anna Puang Allataala toomora mpupenjajiki' to napumasannang, sanga Puang Isa Almaseh. La mpakala'bih tarruhki' Almaseh te'da cappa'na. Amin.

2 Petrus 1:8

Ia ke messipa' susimo kamu' joo nasamelo-melona, manassa kumua miissen tonganmi to Puangta' Puang Isa Almaseh namakkeguna joo kapaissenanmi.

2 Petrus 3:18

Apa la pena' mperasai kamu' kameloan penawan-Na Puangta' Puang Isa Almaseh, Tomangpasalama'ta', ammisannissen-nissennai. Pakala'bihmi tee too, ratu lako te'da cappa'na! Amin. Sallangki' mati', Petrus,

1 Yahya 3:22

Na apa to tapeta'da lako Ia, nabenki', nasaba' nturu'ki' parenta-Na na tapugauk too to apa napumasannang penawan-Na.

1 Yahya 5:20

Taissenmo kumua mangkamo mentolino to Anak Allataala na mangka toomo mbenki' kapaissenan, antawa'ding nnissenni indara to Puang tongan. Mesa' penawamiki' sola Puang Allataala tongan, sanga mesa' penawamiki' sola Anak Allataala, Puang Isa Almaseh. Iamo Puang Allataala tongan, to mpangben katuoan melo te'da cappa'na.

3 Yahya 1:6

Ia joo tau mangka mpaui lako jamaa inde' kumua mupakamoja'i. Melo ke da'tanko ntulungngi susi sipato'na taun-Na Puang Allataala ditulung, nawa'ding mpatarruh kalingkanna.