Kada Bulawan 15:5 - Alkitab Duri

⁵ Bango' to tocia' napangngajahhi indo ambe'na, apa macca to tontarima melo pangpakainga'.

Kada Bulawan 15:5 ပူးပေါင်းရင်းမြစ်များ

Kada Bulawan 1:23

Pesa'dingngi pole'i to pangpangngingaranku' lako kamu'! La kupauan ngasan kamu' to llanna penawangku', na la kuajahhi kamu' to kapaissenanku'.

Kada Bulawan 1:7

Ia ke madoangki' nnampui kapaissenan, ia to kaminang parallu iamo to ngkalaja'- ngkasiri' Puang Allataala, apa ia to tobango' ncapa' kamaccan sola pangpangngajah.

Kada Bulawan 10:1

Susi tee to sininna kada bulawanna Raja Sulaiman: Ia to pea macca, napumario tomatuanna, apa ia to pea battuk, ssussairi indo ambe'na.

Kada Bulawan 13:1

Ia to pea macca mangpesa'ding ke napangngajahhii ambe'na, apa ia to topangcapa' cia' dipakainga'.

Kada Bulawan 13:18

Ia to tocia' dipangngajahhi, la kaasi-asi na dipakasiri', apa ia to tomangpesa'ding ke dipakainga'i, la ditaratte'.

Kada Bulawan 15:4

Ia to kada tangkebuku mepamasumanga', apa ia to kada pangnguraga mepa'dikan penawa.

Kada Bulawan 15:6

Jio bolana tomakassing buda ewanan, apa ia to assele'na togaja', mpadenri kamasussan.

Kada Bulawan 19:20

Pesa'dingngii to pangpakainga' mutarimai to pangpangngajah, dikua mumemmacca dau.

Kada Bulawan 25:12

Ia to pangpakainga'na tomacca butung cincin na rante bulawan, diben lako tompesa'dingngii.

Kada Bulawan 6:23

Ia joo sininna nasuanko tomatuammu mpugaukki butung palita ssuloiko na susi arrang nnarrangngiko, na ia to pangpakainga'na mpatujuko lako lalan katuoan melo.

Titus 1:13

Tongan bang to napau joo nabi. Iamo joo, la mupakainga' meloi joo to-Kreta, dikua anna turu'i to pangngajaran tongan,

Titus 2:15

Pangpangngajaran ngasanni joo. La matongkoko mangpamasumanga' sola mpakainga'i to tompesa'dingngiko. Danggi' naden tau ntunaiko.