Kada Bulawan 11:9 - Alkitab Duri

⁹ Ia to kada messun jio timunna tocia' ssompa Puang Allataala ssolangan padanna rupa tau, apa ia to tomakassing, mpake kapaissenanna mpasalama' kalena.

Kada Bulawan 11:9 ပူးပေါင်းရင်းမြစ်များ

Kada Bulawan 11:6

Ia to tomaruruh penawanna, salama' nasaba' mpugauk pakkaeloran-Na Puang Allataala, apa ia to totangdikatappa'i, masolang natumang rakana.

Kada Bulawan 11:8

Ia to tomakassing dipasalama' jio mai kamasussan, nasullei togaja'.

Kada Bulawan 16:29

Ia to tomasa'ga' mpamale sala padanna rupa tau, nabawai lako ngenan abala'.

Matius 7:15

Mangpakainga'mi Puang Isa nakua, “Majaga melo kamu' lako nabi tangtongan, to mentama tangnga-tangngami mangmalamma-lamma susi bembala', apa sitonganna susi asu lampung penawanna.

Markus 13:14

Mpatarruhhi kadan-Na Puang Isa nakua, “La ngkita kamu', ‘apa to liwa' mecarepan’ dipake'deh jio ngenan to tangsipato'na nanii. (Ia to tombacai tee la naissen meloi apa battuananna!) Ia joo wattu, ia to totorro jio tana Yudea la palai de' membuntunna.

Jamanna Rasulu' 20:30

Na den too kamu' lan mai tangnga-tangngami la mpangpeissenan kareba tangtongan. Ia napugaukki susi joo la mpalao salari to tomatappa'mo lako Puang Isa nakua anna ia naturu'.

1 Yahya 2:21

Jaji kuukiran kamu' tee sura' te'da kumua tangmiissenpi to pangngajaran tongan, apa sibalikannari. Miissen toomo kumua te'da pangnguraga lan joo pangngajaran tongan.

1 Yahya 2:27

Apa ia to kamu', naparatuanmo kamu' Almaseh to Roh Allataala to torro lan penawammi. Te'da miparallu naajahhi tolaen, nasaba' Ia bang unamo nnajahhi kamu' to sininna apa. Na tongan ngasan to naajaran kamu', tangngia pangnguraga. Iamo joo, la da'tan kamu' mesa' penawa sola Almaseh, susi to naajaran kamu' Roh Allataala.