Kada Bulawan 10:4 - Alkitab Duri

⁴ Ia to tomakuttu la kaasi-asi, apa ia to tobassa' la buda assele'na.

Kada Bulawan 10:4 ပူးပေါင်းရင်းမြစ်များ

Kada Bulawan 10:5

Melo pangpikkirisanna to torrempun assele' peparena ke wattunnami peparean, apa ia to tomamma' bang ke wattu pepareanni, mpakasiri' kalena.

Kada Bulawan 11:24

Den to tomalaboh, apa sasugih-sugihna, den to tomasekke', apa kannori samakario-riona.

Kada Bulawan 12:24

Ia to tomarajin wa'ding mangparenta, apa ia to tomakuttu la dipupangjama tangdigaji.

Kada Bulawan 12:27

Ia to tomakuttu te'da peattana ke malei rumangngan, apa ia to tomarajin la nnampa' ewanan makeangga'.

Kada Bulawan 13:4

Ia to tomakuttu buda bang to apa nakadoangngi, apa moi mesa' te'da naampa', apa ia to tomarajin mengkaja, naampa' ngasan to apa nakadoangngi.

Kada Bulawan 18:9

Ia to tomakuttu njama jamanna, pada bang sipa'na to tongkabudai makkasolang.

Kada Bulawan 19:15

Ia to kamakuttuan mpamaroja bang tau, na ia to tomemmen la maparri' tangbarah.

Kada Bulawan 19:24

Ia to totakkaliwa' makuttu, moi jiomo olona to kande, apa makuttu toopa ntimbu'i.

Kada Bulawan 20:13

Danggi' namamma' manda mupugauk, dikua nadanggi' mukaasi-asi, apa la mi'cokko mubassa', muampa' buda to la mukandena.

Kada Bulawan 20:4

Ia ke te'da namanengko to tomakuttu ke wattunnami, te'da toda ia assele'na ke wattu pepareanmi.

Kada Bulawan 21:5

Nang la buda assele'na to akkattana tomarajin, apa la tangganna' to kaparalluanna to tosepah.

Yahya 6:27

Danggi' mimangjama nnangahhi to kande la cappu' ba'tu buruk. Apa iara miangah to kande te'da nalaburuk, to la mben kamu' katuoan melo te'da cappa'na. Ia joo kande, iamo to la kuben kamu' Aku', Anak Mentolino, sanga mangka napangpeissenan Ambe'-Ku' Puang Allataala kumua natarimana'.”

1 Korintus 15:58

Ee, tomala'bihku' to kupakamoja'! Iamo joo la mpemawatangngi kamu' kamatapparanmi, danggi' nasitawa-tawa to penawammi. La mpangjaman tarruh kamu' Puang Allataala, nasaba' miissen kumua, sininna to apa mijaman Puang Allataala, den ngasan bua'na.