Ibrani 9:9 - Alkitab Duri

⁹ Ia ngasanmo joo pangrapanganna to apa jaji tee too, battuananna kumua ia to karoba to dipassompan unapa lako Puang Allataala te'da nakullei ndampangan tomassompa anna te'damo napasalai penawanna.

Ibrani 9:9 ပူးပေါင်းရင်းမြစ်များ

Roma 5:14

Moi nasusi joo, sipammula jio mai Nabi Adam ratu lako Nabi Musa, nang matemo to tolino. Matei to tau susi Nabi Adam, moi na ia to dosana te'da nasusi dosana Nabi Adam ntengkai parenta-Na Puang Allataala. Ia to Nabi Adam wa'ding dipasusi joo to la undi ratu, iamo to Puang Isa Almaseh.

Galatia 3:21

Ia ke susii joo, sisalaraka to atoran agama na basse-Na Puang Allataala? Te'da lalo ia! Sanga ia ke dibenni atoran agama to tolino to la mpatuoi, manassa iamo mpupenjaji tomeloi ke naturu'i joo. Apa te'da nakullei to atoran agama mpugaukki susi joo,

Ibrani 10:11

Allo-allo tuli ke'dehhi to imang to-Yahudi njama jamanna, na sangrupara to karoba tuli napassompan. Apa ia tuu lako karoba te'da lalo nakullei ndampangan tolino.

Ibrani 11:19

Nakatappa'i Nabi Ibrahim kumua makuasa to Puang Allataala mpatuo pole'i to Ishak jio mai kamatean. Jaji, wa'ding dikua, mangkami natarima pole' Nabi Ibrahim to Ishak jio mai kamatean.

Ibrani 5:1

Sininna Imang Lompo dipilei jio mai tau biasa, nadiangka' la mpangjaman Puang Allataala wwakkele'ii tuu lako tau. Iamo jamanna to mpangngolo passompan sola karoba lako Puang Allataala dikua nadidampangan to tau.

Ibrani 7:11

Ia tonna benni Puang Allataala to atoran agama lako to-Yahudi, naangka' tooi to bati'na Lewi menjaji imang nnajahhi tau nturu'i joo atoran. Jaji, den kasiumputanna imang na atoran agama to-Yahudi. Apa te'da nakullei to imang bati'na Lewi mpupenjaji tomelo tau. Iamo joo parallu den imang laen susi imang Melkisedek to te'da napole jio mai bati'na Lewi susi imang Harun.

Ibrani 8:4

Ia kenna la inde' unapa lino, te'da lalo nalanjama jaman imang, sanga denmo imang mpassompan karoba situru' atoranna Nabi Musa.

Ibrani 9:24

Na ia to Almaseh te'da namentama tenda passompan panggaraga tolino to bajo-bajona Tenda-Na Puang Allataala jao suruga. Apa mentamai suruga namangngolo lako Puang Allataala. Jaoi tee too la mpangkadananki'.

1 Petrus 3:21

Na ia joo kajajian dipasangrapangngi pangjioran to mipusalama' tee too. Ia joo pangjioran tangngia mesa' cara mbasei batang kale danggi' nacarepa, apa ia to pangjioran mesa' peta'da lako Puang Allataala na la'paran kamu' jio mai kasalan. Napasalama' kamu', sanga mangkami tuo pole' Puang Isa Almaseh jio mai kamatean.