Ibrani 9:23 - Alkitab Duri

²³ Ia to tenda passompan panggaraga tolino, bajo-bajona bangra joo Tenda-Na Puang Allataala jao suruga. Na ia ke ia joo tenda passompan jio lino dipemaceroi mpake karoba susi joo, la'bih pole' opa ia to Tenda-Na Puang Allataala parallu dipemaceroi mpake karoba la'bih melo.

Ibrani 9:23 ပူးပေါင်းရင်းမြစ်များ

Lukas 24:26

Tanglamperasairaka kamaparrisan jolo' to Raja Mangpasalama', namane' ntarima kamala'biran-Na?”

Lukas 24:46

Nakuanni kumua, “Den diuki' lan Sura' Allataala kumua ia to Raja Mangpasalama' la maparri', na la tuo pole' jio mai kamatean, ke allo mangpentallun.

Yahya 14:3

Ia ke mangkamo' male mpasadian kamu' ngenan, la ratu pole'na' kusolan kamu' lako, antatorro jio sola to kunii mari'pih.

Jamanna Rasulu' 23:15

Iamo joo, mbai melo ke kamu' to Pangbicara Agama sola ngasan mangkiring sura' lako joo pangbarani to-Roma ammipeta'dai, anna bawa pole'i napupangngoloi lako kamu' joo Paulus, butung to la mipemaparessai pole' to kara-karana, angkibunoi jio tangnga lalan.”

Kolose 2:17

Ia joo atoran susiri bajo-bajo to diben la mpamanassai to kameloan la ratu, na Almasehmo to buttinna!

Ibrani 10:1

Ia joo atoran agama to-Yahudi bajo-bajona bangra joo kasalamatan la ratu, jaji tangngiapa to sitonganna. Te'da nakullei joo atoran mpupenjaji meloi to tompassompan karoba lako Puang Allataala, moi narundun taun tuli ndadu'i massompa susi joo.

Ibrani 10:4

sanga te'da nakullei to rara sapin balian ba'tu rara beke bulolo' ndampanganni.

Ibrani 8:5

Ia to jaman najama tuu lako imang, sitonganna pangpasusianra ba'tu bajo-bajonara to apa denmo jao suruga. Susi toomi ia to tenda passompan napake'deh Nabi Musa tonna anu', bajo-bajonara to Tenda Tongan. Iamo joo nakuanni Puang Allataala to Musa, “Ingaranni! Padami to la mugaraga, la mupasusi ngasanni to apa mangka dipakitanko jao buntu.”

Ibrani 9:24

Na ia to Almaseh te'da namentama tenda passompan panggaraga tolino to bajo-bajona Tenda-Na Puang Allataala jao suruga. Apa mentamai suruga namangngolo lako Puang Allataala. Jaoi tee too la mpangkadananki'.

Pengkitanna Yahya 5:9

Makkelongngi mpukelong kelong baru: “Sipato'ki' nnalai tapiak tooi to segelna tuu sura' tilulun, sanga mangkamiki' digere' anna ia to rara kamatean-Ta' tapake nnallian tau Puang Allataala jio mai sininna rapu tau, tondok, basa na bangsa.