Ibrani 9:11 - Alkitab Duri

¹¹ Menjajimi Imang Lompo to Almaseh nabenki' kameloan susi to taperasaimo. Mentamami Tenda-Na Puang Allataala jao suruga. Mala'bih na te'da caccana joo Tenda-Na Puang Allataala, sanga tangngia panggaraga tolino, battuananna te'da napole jio mai tee lino.

Ibrani 9:11 ပူးပေါင်းရင်းမြစ်များ

Matius 11:3

“Kita'moraka Raja Mangpasalama' to kitajan, ba'tu la ntajanpakan tau laen?”

Matius 2:6

‘Ee, kamu' to-Betlehem, jio tana Yehuda, te'da kumua kotamimo biccukkuna, nasaba' lan mai tangnga-tangngami la den to menjaji tolamparenta umma'-Ku' to-Israel.’ ”

Markus 14:58

“Denmo kisa'dingngi tee tau nakua, ‘La kuro'pokan tee Bola Puang Allataala pangkabua' tolino, na tallung allora kunii mpake'dehhi to laenna, to tangngia pangkabua' tolino.’ ”

Yahya 1:14

Ia joo Kada mentolinomi namari'pihmi lan tangnga-tangngata'. Takitamo to kamala'biran-Na, to natarima jio mai Ambe' sanga Ia Anak tungga'-Na. Iamo joo Anak mpamanassa tonganni to Puang Allataala sola pangpakamoja'-Na.

Yahya 4:25

Nakuamo joo baine lako Puang Isa, “Kuissen kumua la ratui to Raja Mangpasalama' to disanga Almaseh. Na ia ke ratumi, Iamo mpamanassan ngasanki' to sininna apa.”

Jamanna Rasulu' 7:48

Apa te'da ia natorro lan bola panggaraga tolino to Puang Allataala makuasa, nasaba' den diuki' lan sura' nabi nakua Puang Allataala kumua,

2 Korintus 4:18

Te'da na ia kipikkiri' to apa nakita mata to cingga'tu'ra, apa iara to tangnakita mata to te'da cappa'na.

2 Korintus 5:1

Nasaba' taissen kumua ia ke diro'pokanmi to bola ba'tu burukmi to batang kale to tanii mari'pih lan tee lino, la napasadianki' Puang Allataala jao suruga mesa' bola ba'tu batang kale baru te'da cappa'na, to tangngia panggaraga tolino.

Kolose 2:11

Wa'ding dipau kumua mangkamo kamu' disunna', nasaba' memmesa' penawamo kamu' sola Almaseh. Te'da nasunna' kamu' tau, apa iara to penawammi nasunna' Almaseh. Battuananna mangkami Almaseh lla'paran kamu' jio mai sipa' jolomi.

Ibrani 10:1

Ia joo atoran agama to-Yahudi bajo-bajona bangra joo kasalamatan la ratu, jaji tangngiapa to sitonganna. Te'da nakullei joo atoran mpupenjaji meloi to tompassompan karoba lako Puang Allataala, moi narundun taun tuli ndadu'i massompa susi joo.

Ibrani 12:27

Ia joo kada “pissenpa” mpamanassai kumua ia ngasan to apa mangka dipaden la diroge nadita'dei, anna ia mandamo torro to tangtirogena.

Ibrani 13:14

Sanga te'da kampong la tanii mari'pih lan tee lino, apa ntajanriki' kampong to la tanii mari'pih keanu'.

Ibrani 2:17

Jaji, mentolinomo to Puang Isa namenjaji susi tolino, anna wa'ding menjaji Imang Lompo mangpakamoja', to njama tarruh jaman-Na Puang Allataala. Na ia ke susii joo, wa'dingngi mpasikalino Puang Allataala na tolino na ndampangan too tolino.

Ibrani 3:1

Ee, todipusile'to padangku' tomatappa' to mangkamo napilei Puang Allataala la mentama suruga! Ingaran meloi to sipa'-Na Puang Isa to takatappa'i, to napattantu Puang Allataala menjaji Rasulu' na Imang Lompo lan agamanta'.

Ibrani 4:15

Ia joo Imang Lompota' naissen to katangpakulleanta', sanga mangkami dipengkulle-kullei disede mpugauk dosa susi kita', apa te'da napugauk dosa.

Ibrani 7:1

Raja joo Melkisedek jio kota Salem tonna anu' na imang tooi to nnurusu' kamassompan lako Puang Allataala to kaminang mala'bih. Ia tonna polemo Nabi Ibrahim mangrari ntalo ba'tu pira-pira raja, malemi imang Melkisedek ntammuii nabarakka'ii.

1 Yahya 5:20

Taissenmo kumua mangkamo mentolino to Anak Allataala na mangka toomo mbenki' kapaissenan, antawa'ding nnissenni indara to Puang tongan. Mesa' penawamiki' sola Puang Allataala tongan, sanga mesa' penawamiki' sola Anak Allataala, Puang Isa Almaseh. Iamo Puang Allataala tongan, to mpangben katuoan melo te'da cappa'na.

2 Yahya 1:7

Buda tompalao sala tau male bang llelei tondok. Ia tuu lako tau te'da naakuii kumua mentolinomo to Puang Isa. Ia to mangkada susi joo, tompalao sala tau na tonnewa Almaseh.