Ibrani 8:8 - Alkitab Duri

⁸ Apa kasalanni to umma'-Na Puang Allataala. Iamo joo nakuanni, “Ingaranni, la den wattunna angkulampaden basse baru sola pangrapuanna Israel na Yehuda.

Ibrani 8:8 ပူးပေါင်းရင်းမြစ်များ

Matius 26:28

Nasaba' rara-Ku' tee, to mpaassah basse-Na Puang Allataala, rara to dipato'do la ndampangan buda tau.

Markus 14:24

Nakuamo Puang Isa, “Rara-Ku' tee, to mpaassah basse-Na Puang Allataala, rara to dipato'do la ndampangan buda tau.

Lukas 17:22

Nakuamo Puang Isa lako anak gurun-Na, “Den wattunna mimadoang ngkitana' Aku', Anak Mentolino, moi sangngallo, apa te'da milangkitana'.

Lukas 22:20

Susi too tonna mangkamo kumande, nnalami isotan anggoro', nakua, “Ia tee isotan nanii titanan basse barun-Na Puang Allataala napaassah to'doan rara-Ku' to dipato'doan kamu'.]”

Lukas 5:38

Ia to anggoro' baru, la dipatama todapi pangpanian baru.

1 Korintus 11:25

Susi too tonna mangkamo kumande, nnalami isotan anggoro' nakua, “Ia tee anggoro' nanii titanan basse barun-Na Puang Allataala, napaassah to'doan rara-Ku'. Pugaukki susi tee, minii nningaranna', ke miiso' oi.”

2 Korintus 3:6

Ia mbenkan kapakullean angkiwa'ding menjaji pangjama-Na mpangpeissenan basse baru, to nabenmiki' Roh Allataala apa te'da diuki' lan atoran agama. Nasaba' ia ke mpengkulle-kulleiki' mpugauk atoran agama dikua antadipupenjaji tomelo, la mateki'. Apa ia ke matappa'ki' lako Puang Allataala, la nabenki' Roh Allataala katuoan melo te'da cappa'na.

Ibrani 12:24

Ratumo kamu' mangngolo lako Puang Isa, tompasijajianni joo basse baru. Nnoloimo kamu' rara-Na Puang Isa to mangka dipi'pikan kamu' ammididampangan. La'bih melo ia joo rara na ia to rarana Habel to mpeta'dai anna dipabalahhi to kakanna.

Ibrani 7:22

Pajanmo lan joo sapah kumua Puang Isamo mpasijajianni to basse la'bih melo.

Ibrani 8:13

Napaui Puang Allataala kumua la dipadenni to basse baru. Iamo mpamanassai kumua matuami na tangdipuinawamo to basse jolo. Na ia to apa ke memmatuami te'damo nadipake, cingga'tu'mora nalanynya'.

Ibrani 8:6

Apa la'bih melo to jaman dipabarakkananni Puang Isa na ia to jamanna imang bati'na Lewi. Puang Isamo mpasijajianni to basse-Na Puang Allataala sola tolino. Na ia joo basse la'bih melo na ia to basse napasijajian Nabi Musa. La'bih melo joo basse baru, sanga la'bih melo to apa dipau lan.

Ibrani 9:15

Napasijajianni Almaseh to basse baru, dikua na ia to kamatean-Na la lla'bak tau jio mai kasalanna to napugauk tonna atoran basse jolo, na ia to tomangkamo napilei Puang Allataala la nnampa' barakka' te'da cappa'na to mangka nabasseanni.