Ibrani 8:5 - Alkitab Duri

⁵ Ia to jaman najama tuu lako imang, sitonganna pangpasusianra ba'tu bajo-bajonara to apa denmo jao suruga. Susi toomi ia to tenda passompan napake'deh Nabi Musa tonna anu', bajo-bajonara to Tenda Tongan. Iamo joo nakuanni Puang Allataala to Musa, “Ingaranni! Padami to la mugaraga, la mupasusi ngasanni to apa mangka dipakitanko jao buntu.”

Ibrani 8:5 ပူးပေါင်းရင်းမြစ်များ

Matius 2:12

Ia tonna polemo lako kampongna, lalan leko'mo naola, nasaba' napangngingaranni Puang Allataala lan tindona nakua, “Danggi'mo mimale ssikitan pole' Raja Herodes.”

Jamanna Rasulu' 7:44

Mpatarruhhi kadanna Stefanus nakua, “Ia tonna jio unapa padang pallawangan to tojolota', napangpeparentanni Puang Allataala lako Nabi Musa na nggaraga tenda, susi to apa mangka napakitanni. Ia joo tenda menjaji tanda kumua Ia to Puang Allataala mari'pih lan tangnga-tangngana tolino. Jaji tuli nabawa melakoi jio padang pallawangan.

Kolose 2:17

Ia joo atoran susiri bajo-bajo to diben la mpamanassai to kameloan la ratu, na Almasehmo to buttinna!

Ibrani 10:1

Ia joo atoran agama to-Yahudi bajo-bajona bangra joo kasalamatan la ratu, jaji tangngiapa to sitonganna. Te'da nakullei joo atoran mpupenjaji meloi to tompassompan karoba lako Puang Allataala, moi narundun taun tuli ndadu'i massompa susi joo.

Ibrani 11:7

Napugaukki Nabi Nuh to apa nasuanni Puang Allataala, sanga matappa'i. Napauanni Puang Allataala apa to la jaji to te'dapa nakitai. Mengkaturu'i Nabi Nuh lako Puang Allataala anna kabua' mesa' kappala' dikua napasalama'i sintong repokkona. Susimi joo tonna disessamo to tolino, apa ia to Nabi Nuh napupenjaji tomelo Puang Allataala, sanga matappa'i.

Ibrani 12:25

Danggi' mitangmpesa'dingngii joo tomangkada jao mai suruga, sanga ia to to-Israel tonna anu' to cia' mpesa'dingngii to kada pole jao mai Buntu Sinai, te'da nakullei la'pah jio mai pangsessa-Na Puang Allataala. Apa pole'raka tee kita' to ssa'dingngi joo tomangkada jao mai suruga ke cia'ki' mpesa'dingngii.

Ibrani 13:10

Ia to imang mangjama lan tenda passompan panggaraga tolino, te'da nasipato' la ngkandei to apa dipassompan jao ngenan pangkarobanta' lan Tenda-Na Puang.

Ibrani 9:9

Ia ngasanmo joo pangrapanganna to apa jaji tee too, battuananna kumua ia to karoba to dipassompan unapa lako Puang Allataala te'da nakullei ndampangan tomassompa anna te'damo napasalai penawanna.

Yosua 22:28

Ianna mangkada to bati'mi susi joo keanu', la napebalii bati'ki' kumua, ‘Kitai joo ngenan pangkaroban napake'deh tojoloki' sangrupari ngenan pangkaroban lako PUANG Allataala jio olo Tenda Puang Allataala. Te'dara na la dinii mpassompan karoba ditunu, ba'tu karoba digere', apa la menjaji sa'biri lako patomalinta' kumua umma'-Na tookan Puang Allataala.’

Pengkitanna Yahya 15:5

Mangkai joo too ngkita omo' pelalan Bola ba'tu Tenda-Na Puang Allataala titimbak jao suruga.