Ibrani 8:3 - Alkitab Duri

³ Sininna Imang Lompo diangka' la mpugauk mpassompan sola karoba lako Puang Allataala. Susi toomi Puang Isa to Imang Lompota' parallu den apa napassompan.

Ibrani 8:3 ပူးပေါင်းရင်းမြစ်များ

Yahya 6:51

Aku'mo kande to mellao jao mai suruga, kande to naputuo tau. Ia to tongkandei tee kande, la tuo tarruhhi. Ia to kande la kuben tau lan lino naputuoi, iamo tee batang kale-Ku'.”

Roma 4:25

Ia to Puang Isa dibuno, nasaba' dosata'. Napatuo pole'i Puang Allataala jio mai kamatean, tawa'ding dipupenjaji tomelo.

Roma 5:6

Ia tontatangpakullepa, matemi Almaseh la mpasalama'ki' tee kita' tomadosa. Ia joo wattu napattantu Puang Allataala.

Roma 5:8

Apa napakitanmiki' Puang Allataala to pangpakamoja'-Na, nasaba' ia tonna taloi unapiki' kuasa dosa, matei to Almaseh mpangngewanki'.

Galatia 2:20

Ia tee too moi angkutuo, tangngiamo aku' mputuoi, apa Almasehmo tuo lan kaleku'. Ia tee katuoanku' tee too, matappa'na' lako Anak Allataala to mangka mpakamoja'na', na mangka mpangkarobananna' kalena, sanga dosaku'.

Efesus 5:2

La sikamasean kamu' susi Almaseh ngkamaseiki', iamo na mpangkaroban kalena la mpasalama'ki'. Ia joo kamatean-Na susi karoba bunangngu' to napumasannang Puang Allataala.

Titus 2:14

Mangkamo Ia mpangkaroban kalena la lla'bakki' jio mai sininna kagajatanta' napupenjajiki' umma'-Na to tangmadosa antatatta' too mpugauk kameloan.

Ibrani 2:17

Jaji, mentolinomo to Puang Isa namenjaji susi tolino, anna wa'ding menjaji Imang Lompo mangpakamoja', to njama tarruh jaman-Na Puang Allataala. Na ia ke susii joo, wa'dingngi mpasikalino Puang Allataala na tolino na ndampangan too tolino.

Ibrani 3:1

Ee, todipusile'to padangku' tomatappa' to mangkamo napilei Puang Allataala la mentama suruga! Ingaran meloi to sipa'-Na Puang Isa to takatappa'i, to napattantu Puang Allataala menjaji Rasulu' na Imang Lompo lan agamanta'.

Ibrani 5:1

Sininna Imang Lompo dipilei jio mai tau biasa, nadiangka' la mpangjaman Puang Allataala wwakkele'ii tuu lako tau. Iamo jamanna to mpangngolo passompan sola karoba lako Puang Allataala dikua nadidampangan to tau.

Ibrani 7:27

Te'da nasusi to Imang Lompo laen, to allo-allo mangkaroba jolo' meta'da nadidampangan, namane' mpangkaroban tobuda. Na ia to Puang Isa pissenri mangkaroba lako Puang Allataala, iamo to mpangkaroban batang kale-Na.

Ibrani 8:4

Ia kenna la inde' unapa lino, te'da lalo nalanjama jaman imang, sanga denmo imang mpassompan karoba situru' atoranna Nabi Musa.