Ibrani 8:13 - Alkitab Duri

¹³ Napaui Puang Allataala kumua la dipadenni to basse baru. Iamo mpamanassai kumua matuami na tangdipuinawamo to basse jolo. Na ia to apa ke memmatuami te'damo nadipake, cingga'tu'mora nalanynya'.

Ibrani 8:13 ပူးပေါင်းရင်းမြစ်များ

Matius 24:35

Ia to langi' sola lino la lanynya', apa ia to kadang-Ku' la tatta' te'da cappa'na.”

Lukas 22:20

Susi too tonna mangkamo kumande, nnalami isotan anggoro', nakua, “Ia tee isotan nanii titanan basse barun-Na Puang Allataala napaassah to'doan rara-Ku' to dipato'doan kamu'.]”

1 Korintus 13:8

Te'da cappa'na joo pangpakamoja'. Apa la den wattunna nate'damo tau nnampui barakka' mpangpeissenan pepasan-Na Puang Allataala, barakka' mangkada mpake basa mejangngaran ba'tu barakka' mpahangngi to apa masussa dipahang.

2 Korintus 3:6

Ia mbenkan kapakullean angkiwa'ding menjaji pangjama-Na mpangpeissenan basse baru, to nabenmiki' Roh Allataala apa te'da diuki' lan atoran agama. Nasaba' ia ke mpengkulle-kulleiki' mpugauk atoran agama dikua antadipupenjaji tomelo, la mateki'. Apa ia ke matappa'ki' lako Puang Allataala, la nabenki' Roh Allataala katuoan melo te'da cappa'na.

2 Korintus 5:17

Ia to memmesa' penawamo sola Almaseh, menjaji tau barumo. Lanynya'mi to masainna, anna menjaji baru ngasanmo.

Ibrani 1:11

La masere ngasan tuu lako susi pakean, nalanynya', apa ia to Iko tanglamembaliko.

Ibrani 12:24

Ratumo kamu' mangngolo lako Puang Isa, tompasijajianni joo basse baru. Nnoloimo kamu' rara-Na Puang Isa to mangka dipi'pikan kamu' ammididampangan. La'bih melo ia joo rara na ia to rarana Habel to mpeta'dai anna dipabalahhi to kakanna.

Ibrani 7:22

Pajanmo lan joo sapah kumua Puang Isamo mpasijajianni to basse la'bih melo.

Ibrani 8:6

Apa la'bih melo to jaman dipabarakkananni Puang Isa na ia to jamanna imang bati'na Lewi. Puang Isamo mpasijajianni to basse-Na Puang Allataala sola tolino. Na ia joo basse la'bih melo na ia to basse napasijajian Nabi Musa. La'bih melo joo basse baru, sanga la'bih melo to apa dipau lan.

Ibrani 8:8

Apa kasalanni to umma'-Na Puang Allataala. Iamo joo nakuanni, “Ingaranni, la den wattunna angkulampaden basse baru sola pangrapuanna Israel na Yehuda.

Ibrani 9:15

Napasijajianni Almaseh to basse baru, dikua na ia to kamatean-Na la lla'bak tau jio mai kasalanna to napugauk tonna atoran basse jolo, na ia to tomangkamo napilei Puang Allataala la nnampa' barakka' te'da cappa'na to mangka nabasseanni.