Ibrani 8:10 - Alkitab Duri

¹⁰ Iamo tee basse la kupaden sola to-Israel to wattu la dioloi lako: la kupallan pikkirisanna to atoran-Ku', na kuuki'i lan penawanna. Aku' Puang Allataala to la nasompa, na ia la kupupenjaji umma'-Ku'.

Ibrani 8:10 ပူးပေါင်းရင်းမြစ်များ

Matius 22:32

‘Aku'mo Puang Allataala to nasompa Nabi Ibrahim, Ishak, na Yakub.’ Totuora to ssompa Puang Allataala, tangngia tomate!”

Roma 11:27

Iamo tee to la kusibassei ke kudampanganni.”

1 Korintus 6:16

Tantu miissen toomo kumua ia to tosigauk sala sola baine bandarang, ia to batang kalena memmesa'mira sola joo baine. Nasaba' den diuki' lan Sura' Allataala kumua, “Mesa' kalemira sola dua.”

2 Korintus 3:3

Ia tuu lako tau ngkitai to assele' jamanki' kumua kamu'mo susi sura' to nauki' Almaseh, na kami' napake ngkiringngi. Ia joo sura' tangngia dawa' dipake nnuki'i, apa Roh Allataala to tuo. Te'da too nadiuki' jiong batu susi atoranna Nabi Musa, apa diuki' lan penawanna tau.

Titus 2:14

Mangkamo Ia mpangkaroban kalena la lla'bakki' jio mai sininna kagajatanta' napupenjajiki' umma'-Na to tangmadosa antatatta' too mpugauk kameloan.

Ibrani 11:16

Apa ngkamali'ri mesa' tondok to la'bih melo, iamo joo tondok jao suruga. Na te'da namasiri' Puang Allataala ke nasangai Puangna, sanga denmo mesa' kota mangka napasadianni.

Yakub 1:18

Mangkamiki' napuanak situru' pakkaeloran-Na mpake pangngajaran tongan. Iamo napugaukki susi joo, sanga napamala'bihki' na ia to sininna olok-olok napaden.

Yakub 1:21

Iamo joo danggi'mo mipugaukki to kabiasan tangmelomi ba'tu panggaukan gaja'mi, mitarima rampa'i to kada natanan Puang Allataala lan penawammi, sanga ia joo kada makuasa mpasalama' kamu'.

1 Petrus 1:23

La sipakamoja' kamu', nasaba' pole jio mai kadan-Na Puang Allataala, ammimenjajimo tobaru susi to dijajian pole', to te'da najaji jio mai tolino to la mate, apa dijajian jiora kamu' mai kada to tuo te'da cappa'na.

1 Petrus 2:9

Apa kamu'mo to bangsa napileimo Puang Allataala, ammimenjaji imangna Raja to mipangjaman. Napupenjaji kamu' bangsa to disarakki jio mai bangsa laen ammimenjaji tau mesan-Na. Napileimo kamu' la mpangpeissenan panggaukan-Na to te'da susinna. Iamo ntambai kamu' messun lan mai kamasolangan, ammimentama kamasannangan to liwa' mejangngaran.