Ibrani 7:8 - Alkitab Duri

⁸ Ia to imang bati'na Lewi, to ntarima passompan tawa sangpulona, la mate sanga tolino biasai. Apa ia to imang Melkisedek, to ntarima toda passompan tawa sangpulona, tuo tarruhhi ia situru' Sura' Allataala.

Ibrani 7:8 ပူးပေါင်းရင်းမြစ်များ

Yahya 14:19

Cingga'tu'mora na te'damo nakitana' tolino. Apa ia to kamu' la mikitana'. La tuo kamu', nasaba' tuona'.

Yahya 14:6

Mebalimi Puang Isa nakua, “Aku'mo minii nnissen Puang Allataala sola nnampa' katuoan. Moi mesa' tau te'da nakullei ratu lako Ambe', ke te'dai kupuissenni.

Ibrani 3:16

Indamora to ssa'ding gamaran-Na Puang Allataala nabali-balii? Ia to sininna tau nasolan Nabi Musa messun lan mai tana Mesir.

Ibrani 5:6

Lan aya' laen nakua toopa Puang Allataala, “Ikomo to imang te'da cappa'na susi imang Melkisedek.”

Ibrani 6:20

Najoloanmiki' Puang Isa lako ntuu joo, na menjaji Imang Lompota' te'da cappa'na, susi imang Melkisedek.

Ibrani 7:23

Na sitarruhna, budai joo imang bati'na Lewi, sanga pada matei anna te'da nakullei mpatarruhhi to jamanna.

Ibrani 7:7

Sininna tau nnissenni kumua matande ia to tomangbarakka'i na ia to todibarakka'i.

Ibrani 7:9

Wa'ding dipau kumua, ia tonna mamajah Nabi Ibrahim tawa sangpulona lako imang Melkisedek, meccoe' todami mamajah Lewi sola bati'na, to la nnampa' tawa sangpulona assele'na padanna to-Israel.

Ibrani 9:27

Mangka napattantu Puang Allataala, kumua pissenra mate to tolino, namane' Puang Allataala rra'tah kara-karana.

Pengkitanna Yahya 1:18

Aku'mo to tuo! Mangkamo' mate, apa tuo pole'mo' te'da cappa'na. Ngkuasaina' kamatean sola lino tomate.