Ibrani 7:6 - Alkitab Duri

⁶ Apa ia to imang Melkisedek tangngia bati'na Lewi. Moi nasusi joo nnampa' toda tawa sangpulona to apa narampa Nabi Ibrahim. Puang Allataala mpau basse-Na lako Nabi Ibrahim. Moi nasusi joo ia to Nabi Ibrahim nabarakka'i imang Melkisedek.

Ibrani 7:6 ပူးပေါင်းရင်းမြစ်များ

Jamanna Rasulu' 3:25

Kamu'mo bati'na joo nabi. Na ia to basse-Na, napaden Puang Allataala lako tojolomi, dipatuju lako kamu'. Ia tonna paui Puang Allataala to basse-Na lako Nabi Ibrahim, nakua kumua, ‘La kubarakka'i to sininna bangsa lan tee lino, sanga bati'mu.’

Roma 4:13

Ia to Nabi Ibrahim sola bati'na nabasse Puang Allataala la nnampui tee lino, tangngia nasaba' Nabi Ibrahim mpugauk atoran agama, apa nasaba' matappa'i anna dipupenjaji tomelo.

Roma 9:4

Iamo to to-Israel napilei Puang Allataala anna pupenjajii anak, napakitanni kamala'biran-Na. Mangkami dipadenan basse nadiben atoran agama, umbo nakua ssompa Puang Allataala.

Galatia 3:16

Susi toomi to basse-Na Puang Allataala sola Nabi Ibrahim na bati'na. (Issen meloi, te'da nadiuki' lan Sura' Allataala kumua, “na sininna bati'na”, battuananna buda tau. Diuki' ia kumua, “na bati'na”, battuananna mesa'ra tau, iamo to Almaseh.)

Ibrani 11:13

Matappa' ngasan tuu lako tau ratu lako matena. Ia tonna tuo unapa, te'dapa naampa'i to apa nabasseanni Puang Allataala, apa masannangngi sanga butung nakitami to apa dibasseanni. Namangngaku kumua toratu bangri ba'tu toleppang bangri lan tee lino.

Ibrani 11:17

Napassompanni Nabi Ibrahim to Ishak lako Puang Allataala susi karoba sanga matappa'i, tonna ujii Puang Allataala kumua matappa' tonganrika ia. Mangkamo Nabi Ibrahim nabassean Puang Allataala, “Bati'na manda Ishak to disanga bati'mu situru' basse-Ku'.” Moi nasusi joo, apa canning atinna Nabi Ibrahim napassompanni joo anak tungga'na.

Ibrani 7:1

Raja joo Melkisedek jio kota Salem tonna anu' na imang tooi to nnurusu' kamassompan lako Puang Allataala to kaminang mala'bih. Ia tonna polemo Nabi Ibrahim mangrari ntalo ba'tu pira-pira raja, malemi imang Melkisedek ntammuii nabarakka'ii.

Ibrani 7:7

Sininna tau nnissenni kumua matande ia to tomangbarakka'i na ia to todibarakka'i.