Ibrani 7:24 - Alkitab Duri

²⁴ Na ia to kaimangan-Na Puang Isa te'da nadiben tau laen, sanga tuoi te'da cappa'na.

Ibrani 7:24 ပူးပေါင်းရင်းမြစ်များ

Yahya 12:34

Nakua to tobuda ngkuanni, “Menuru' to diuki' lan Sura' Allataala, ia to Raja Mangpasalama' la tuo te'da cappa'na. Matumbai takua kumua ia to Anak Mentolino la dipamajao lan lino? Indara pale' joo Anak Mentolino?”

Roma 6:9

nasaba' taissen kumua mangkami dipatuo to Almaseh jio mai kamatean, na te'damo nalamate pole'. Te'damo nalangkuasaii kuasa kamatean.

Roma 9:5

Ia to to-Israel bati'nai Nabi Ibrahim, Ishak na Yakub. Na ia to Almaseh, to mentolino, bati'na todai. Apa Iamo Allataala to te'da apa njaonannii, to sipato' dipakala'bih te'da cappa'na. Amin.

Ibrani 13:8

Te'da namembali to Puang Isa Almaseh, la jolona, la ia tee too na te'da cappa'na.

Ibrani 7:28

Situru' atoranna Nabi Musa ia to tolino biasa diangka' menjaji Imang Lompo moi naden caccana ba'tu kakuranganna. Apa ia to sapah-Na Puang Allataala, to dipau undi na ia to atoranna Nabi Musa, nnangka'i joo Anak to te'da caccana ba'tu te'da kakuranganna menjaji Imang Lompo. Ia joo Anak mangkamo napupenjaji Tomangpasalama' te'da cappa'na.

Pengkitanna Yahya 1:18

Aku'mo to tuo! Mangkamo' mate, apa tuo pole'mo' te'da cappa'na. Ngkuasaina' kamatean sola lino tomate.