Ibrani 7:22 - Alkitab Duri

²² Pajanmo lan joo sapah kumua Puang Isamo mpasijajianni to basse la'bih melo.

Ibrani 7:22 ပူးပေါင်းရင်းမြစ်များ

Kada Bulawan 20:16

Inda-inda to mpangngakui la mbajaran indanna tomentoratu llan kampong, sipato' diala to ewananna napuboro', arannai nabajah to pangngakuanna.

Kada Bulawan 6:1

Ee anakku', ia ke denni mujanji padammu rupa tau ba'tu mpangngakui mbajaran indanna to tote'da musiissen,

Daniel 9:27

Ia joo raja nggaraga basse mabanda' lako tau buda pitung taun masainna. Ia tonna mattangnganmo joo wattu tangnaeloranni to karoba sola passompan dipugauk. Na den to liwa' mecarepan to disanga ‘Kagajatan to mesolangan’ la dipatama Bola Puang Allataala, na la lan tarruh, angge lako wattu to Napattantu Puang Allataala nanii lanynya'ii joo raja.”

Matius 26:28

Nasaba' rara-Ku' tee, to mpaassah basse-Na Puang Allataala, rara to dipato'do la ndampangan buda tau.

Markus 14:24

Nakuamo Puang Isa, “Rara-Ku' tee, to mpaassah basse-Na Puang Allataala, rara to dipato'do la ndampangan buda tau.

Lukas 22:20

Susi too tonna mangkamo kumande, nnalami isotan anggoro', nakua, “Ia tee isotan nanii titanan basse barun-Na Puang Allataala napaassah to'doan rara-Ku' to dipato'doan kamu'.]”

1 Korintus 11:25

Susi too tonna mangkamo kumande, nnalami isotan anggoro' nakua, “Ia tee anggoro' nanii titanan basse barun-Na Puang Allataala, napaassah to'doan rara-Ku'. Pugaukki susi tee, minii nningaranna', ke miiso' oi.”

Ibrani 12:24

Ratumo kamu' mangngolo lako Puang Isa, tompasijajianni joo basse baru. Nnoloimo kamu' rara-Na Puang Isa to mangka dipi'pikan kamu' ammididampangan. La'bih melo ia joo rara na ia to rarana Habel to mpeta'dai anna dipabalahhi to kakanna.

Ibrani 13:20

Napatuo pole'mi Puang Allataala to Puangta' Puang Isa jio mai kamatean. Na ia tee too menjajimi Tomangrewa Tomala'bihta' rrewaiki' kita' to bembala'-Na, sanga kamatean-Na. Ia toomo joo kamatean-Na mpaassah basse te'da cappa'na to napaden Puang Allataala lako kita'. Iamo joo kumeta'da lako Puang Allataala to mpangben kamasannangan,

Ibrani 7:23

Na sitarruhna, budai joo imang bati'na Lewi, sanga pada matei anna te'da nakullei mpatarruhhi to jamanna.

Ibrani 8:13

Napaui Puang Allataala kumua la dipadenni to basse baru. Iamo mpamanassai kumua matuami na tangdipuinawamo to basse jolo. Na ia to apa ke memmatuami te'damo nadipake, cingga'tu'mora nalanynya'.