Ibrani 7:11 - Alkitab Duri

¹¹ Ia tonna benni Puang Allataala to atoran agama lako to-Yahudi, naangka' tooi to bati'na Lewi menjaji imang nnajahhi tau nturu'i joo atoran. Jaji, den kasiumputanna imang na atoran agama to-Yahudi. Apa te'da nakullei to imang bati'na Lewi mpupenjaji tomelo tau. Iamo joo parallu den imang laen susi imang Melkisedek to te'da napole jio mai bati'na Lewi susi imang Harun.

Ibrani 7:11 ပူးပေါင်းရင်းမြစ်များ

Galatia 2:21

Susimi tee te'da kukita majiongngi to kameloan penawan-Na Puang Allataala, iamo to kamatean-Na Puang Isa Almaseh. Apa ia ke la den tolino napupenjaji tomelo Puang Allataala, nasaba' mpugaukki atoran agama, te'da bua'na joo kamatean-Na Almaseh.

Galatia 4:3

Susi toomi kita', ia tonna jolona susipiki' pea napukaunan dewata lan tee lino.

Galatia 4:9

Apa ia tee too, umbora mikua mimadoang bangpa mengkaunan pole' lako tuu lako dewata, na miissenmo to Puang Allataala, ba'tu la'bih manassa ke dikua naissenmo kamu' Puang Allataala. Mipugauk bang unapa to mpattantu allo, bulan, wattu, na taun minii mangmaroah-roah. Na ia tuu lako dewata te'da bua'na na te'da nakullei mpupenjaji kamu' tomelo.

Ibrani 5:10

Naangka'i Puang Allataala menjaji Imang Lompo, susi imang Melkisedek.

Ibrani 5:6

Lan aya' laen nakua toopa Puang Allataala, “Ikomo to imang te'da cappa'na susi imang Melkisedek.”

Ibrani 6:20

Najoloanmiki' Puang Isa lako ntuu joo, na menjaji Imang Lompota' te'da cappa'na, susi imang Melkisedek.

Ibrani 7:10

Wa'ding dipau susi joo, sanga ia tonna sitammu imang Melkisedek to Nabi Ibrahim, lanmo batang kalena Nabi Ibrahim to Lewi, moi te'dapa najaji.

Ibrani 7:12

Jaji, ia ke ia to imang bati'na Lewi mangka disullei imang laen, ia to atoran agama to-Yahudi la disulle toda ia.

Ibrani 7:13

Na Puangta'mo tee kusanga. Iamo to disanga imang laen, to pole jio mai pangrapuan laen. Na ia joo pangrapuan laen te'da naden bati'na menjaji imang.

Ibrani 7:15

Manassamo kumua te'da nakullei to imang bati'na Lewi mpupenjaji tomelo tau, sanga naangka'mo Puang Allataala to mesa' imang laen susi imang Melkisedek.

Ibrani 7:21

Apa massapah Puang Allataala anna diangka' Puang Isa menjaji imang. Ia joo wattu nakuanni Puang Allataala, “Aku' Puang massapahmo, na te'da kulassullei kadang-Ku', ‘Ikomo to imang te'da cappa'na.’ ”

Ibrani 8:7

Ia kenna la te'da caccana ba'tu kakuranganna to basse jolo, tantu te'damo naparallu dipaden to basse baru.

Ibrani 9:6

Susimi joo diatoro' joo tenda passompan. Allo-allo tuli mentama Ngenan Macero to imang la njama jamanna.